Pagamento de liquidacións e débedas mediante transferencia bancaria

O pagamento de liquidacións e débedas a través da AEAT pode realizarse mediante transferencia, sempre que se utilice un IBAN correspondente a unha entidade non colaboradora.

A transferencia é unha opción de pagamento non presencial para aqueles obrigados que non dispoñan de conta da súa titularidade en ningunha entidade colaboradora da AEAT e admite tamén entidades financeiras en países estranxeiros.

Nota: O pagamento mediante transferencia non está habilitado para contas de entidades colaboradoras con AEAT, para as que si están dispoñibles os servizos de pagamento con cargo en conta e pagamento con tarxeta.

A través de AEAT o contribuínte establece un compromiso de pagamento e obtén os datos necesarios para realizar posteriormente a transferencia dende a súa entidade financeira dentro do prazo establecido.

Tras acceder hanse de introducir os oito primeiros carácteres do IBAN (ou do código identificativo) da conta dende a que se desexa efectuar a transferencia.

Selecciona o modelo que corresponda, o número de xustificante da carta de pagamento, os datos identificativos do contribuínte e o importe. Despois pulsa "Aceptar datos e Continuar".

Obteranse os datos cos que se debe ordenar a transferencia dende a entidade bancaria:IBAN, BIC/SWIFT, importe, concepto/detalle e data límite de recepción.

Débese prestar especial atención aos avisos para asegurar que a transferencia se realiza correctamente.

O pagamento considerarase realizado na data en que a transferencia sexa recibida por AEAT e sempre que a devandita data estea dentro do límite de recepción indicado.