Presentación da solicitude de devolución de IVE a non Establecidos (modelo 360)

Presentación da solicitude de devolución do IVE a través do formulario (modelo 360)

Para poder realizar a solicitude da devolución do IVE cómpre cumprir cunha serie de requisitos, como dispor de sinatura dixital ou estar subscrito ao servizo de notificacións telemáticas, en concreto, ao procedemento AEATPI20050425IVANOR. A subscrición realízase desde o servizo "Subscribirse voluntariamente ás notificacións electrónicas" na Sede electrónica da Axencia Tributaria.

Se a presentación se realiza en nome dun terceiro (é dicir, o presentador é distinto ao solicitante), o presentador ademais debe estar apoderado para recibir as notificacións do modelo 360 dese solicitante. É dicir, ten que ter habilitado o trámite específico de apoderamento NOTIVANOR (ou o trámite xeral, GENERALNOT) e tamén o 360P.

É importante  consignar correctamente os datos da carauta ou "Captura de datos básicos da solicitude ". Se  hai algún erro na captura de datos básicos (por exemplo de formato ou de data) e pulsaches o botón "Enviar", para corrixiro cómpre cubrir novamente todos os campos, importar unha declaración correctamente gardada previamente ou corrixiro manualmente no deseño lóxico do ficheiro.

Para continuar pulsa o botón "Enviar".

Tras pulsar "Enviar" mostrarase o formulario en liña do modelo 360, segundo os datos consignados na captura de datos básicos, na páxina 1.

Tras a información xeral debes indicar o código ou códigos de actividade. Para iso fai clic na icona da interrogación no apartado "Actividades".

No desdobrable de actividades  selecciona o código de 4 díxitos que corresponda á  túa  actividade pulsando no número correspondente.

Unha vez seleccionado, verase reflectido no formulario e poderás continuar coa formalización da declaración.

Tras a información sobre as actividades, dispós de campos para presentar as copias electrónicas das facturas ou documentos de importación por rexistro. Tal e como indica o aviso, pulsa na interrogación para acceder.

Aparecerá un formulario de rexistro en que deben indicarse os datos correspondentes.

Podes  anexar a información ou documentos necesarios. Pulsa presentar para que quede reflectido no formulario.

Se tes dúbidas de formalización podes consultar a axuda do modelo 360. Tamén podes propor as túas dúbidas sobre o devandito modelo e as cuestións sobre o procedemento de devolución de IVE a non establecidos no asistente virtual do IVE.

Na formalización da declaración cumprirá  incorporar as facturas ao formulario para documentar cada entrada no formulario. Accede para iso á páxina 2 onde se dan de alta as operacións.

IMPORTANTE:

Incorpora as facturas de tal forma que as facturas negativas queden en último lugar para que o sumatorio non sexa erróneo.

O número de operacións non ten que coincidir necesariamente co número de facturas rexistradas.

Se hai operacións negativas, é recomendable empezar cunha operación de resultado positivo para evitar problemas cos sumatorios , ademais, débense completar todos os datos de cada operación.

Nota: A presentación das solicitudes de devolución do IVE a través do formulario en liña só admite un máximo de 202 operacións. Se se excede deste número de operacións a vía de presentación é mediante o envío dun ficheiro, seguindo o deseño de rexistro do modelo.

En calquera momento, durante a formalización do modelo podes pulsar ao  botón  "Gardar", que xerará un ficheiro NIF.360.txt, un ficheiro de texto plano que se gardará na carpeta de descargas por defecto do navegador, non obstante, podes seleccionar unha situación distinta se o desexas.

Antes de permitirnos gardar o ficheiro, se non se cubriron todos os campos da solicitude, obteremos un aviso de validación, aínda que isto non impide gardar a información.

Este ficheiro pode importarse tanto nun novo formulario como na presentación por ficheiro do modelo 360. Utiliza a opción "Elixir arquivo" ou "Examinar", dependendo do navegador utilizado, para localizar o ficheiro NIF.360.txt que quedou gardado no  teu  equipo. Tamén podes importar un ficheiro obtido cun programa externo, sempre que cumpra co deseño lóxico correcto.

Unha vez finalizada a formalización, pulsa "Enviar".