Como presentar a declaración do Imposto sobre Patrimonio mediante colaboración social

Os colaboradores sociais adheridos ao convenio correspondente poderán presentar a declaración de Patrimonio de 2023 de terceiras persoas a través da opción "Servizo tramitación de declaración de Patrimonio para colaboradores".

Identificache co teu certificado electrónico de colaborador social. Se non estás dado de alta como colaborador ou aparece algún erro, consulta a información relacionada coa Colaboración social.

Nunha primeira xanela terás que indicar o DNI ou NIE do contribuínte. Se desexas incorporar os datos fiscais do declarante á declaración fai clic sobre "Aceptar con DF" e a aplicación solicitarache o número de referencia do titular. No caso de que non sexa posible a obtención da referencia debido ás condicións particulares do declarante pulsa "Aceptar sen DF" para cubrir o modelo 714 de cero, sen a incorporación automática de datos á declaración.

Se pulsas "Aceptar con DF" o sistema solicitarache o número de referencia do titular para incorporar os datos fiscais do declarante directamente aos distintos apartados da declaración.

Se anteriormente accediches ao formulario mediante o botón "Aceptar con DF" e gardaches a declaración, o sistema recoñece que estiveches traballando nunha sesión anterior de Patrimonio WEB e permíteche recuperar a declaración pulsando "Continuar" ou empezar unha nova pulsando "Nova Declaración".

Se anteriormente accediches ao formulario mediante o botón "Aceptar sen DF" e NON identificaches o titular co seu número de referencia non terás o botón "Continuar sesión" .

Se se trata do primeiro acceso é posible que se solicite información adicional para a incorporación de datos fiscais, pero se non necesitas incorporar información adicional para xerar a declaración, accederás á páxina inicial de datos identificativos e idioma da declaración, que podes modificar se cumprise. Tras comprobar a pantalla inicial pulsa "Aceptar" para continuar.

Unha vez no formulario web poderás cubrir a declaración navegando entre as distintas páxinas que a compoñen ou utilizar o botón "Apartados" para acceder ás distintas seccións. Podes "Gardar" a declaración se accediches mediante o botón "Aceptar con DF" e identificando o titular con número de referencia. Poderás recuperar a declaración nunha nova sesión pulsando "Continuar" na xanela inicial.

No caso de que accedeses ao formulario mediante o botón "Aceptar sen DF" o botón "Gardar" non aparecerá na barra de ferramentas.

Finalizada a formalización, verifica o resultado na última páxina, en "Documento de ingreso" ou pulsa directamente "Formalizar Ingreso / Devolución". No caso de que o resultado sexa un ingreso, no apartado "Seleccione o tipo de Declaración" poderás escoller a forma de pagamento.

A domiciliación bancaria estará dispoñible se a declaración se presenta entre o día 3 de abril e o 26 de xuño de 2024. Indica o IBAN en que desexas domiciliar a declaración, que debe tratarse dunha conta bancaria informada á AEAT que admita domiciliacións e de que sexa titular o contribuínte.

Se optas polo pagamento mediante NRC ou outras formas de pagamento que supoñan un ingreso, e se accedes con Cl@ve, certificado electrónico ou DNIE, pulsa o botón "Realizar pagamento (obter)", para enlazar coa pasarela de pagamento e obter o NRC xustificante do pagamento. Para utilizar a conta do contribuínte, debes recibir un apoderamento para tramitar o pagamento dos teus apoderados no trámite PAGOAPODECCC. Se non estás apoderado tes que utilizar un NRC previamente obtido polo contribuínte.

Outra alternativa serían as opcións de recoñecemento de débeda. Nestes casos, na folla resposta de presentación realizada con éxito, mostrarase unha ligazón para realiar a presentación do adiamento ou da solicitude de compensación. Pulsa "Tramitar débeda" e aparecerá o detalle da liquidación cos datos do debedor e a clave de liquidación.

Desde a xanela "Formalizar Ingreso/Devolución" tamén podes obter un ficheiro con formato BOE, axustado ao deseño de rexistro en vigor, utilizando o botón "Exportar" situado na esquina inferior esquerda.

Pulsa "Conforme" e "Asinar e Enviar".

Se a declaración queda presentada correctamente devolverase unha páxina coa mensaxe "A súa presentación foi realizada con éxito" e o código seguro de verificación asignada. Ademais mostrarase un PDF que contén unha primeira folla coa información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e, nas páxinas posteriores, a declaración presentada. Consulta o panel de avisos por se necesitas realizar algunha rectificación.