Como presentar a declaración do Imposto sobre Patrimonio
Para acceder ao formulario web de Patrimonio 2023 identificache con certificado electrónico, DNIE, Cl@ve ou referencia da persoa titular.
Se se trata do primeiro acceso, a páxina inicial será a de datos identificativos e idioma da declaración que podes modificar se cumprise. Tras comprobar a pantalla inicial pulsa "Aceptar" para continuar.
Se xa estiveches traballando co formulario, o sistema detéctao e permite continuar coa declaración ou iniciar unha nova.
Unha vez no formulario web poderás cubrir a declaración navegando entre as distintas páxinas que a compoñen ou utilizando o botón "Apartados" para acceder ás distintas seccións. É posible "Gardar" a declaración para recuperara máis adiante nunha nova sesión pulsando "Continuar" na xanela inicial.
Finalizada a formalización, verifica o resultado na última páxina en "Documento de ingreso".
Pulsa "Formalizar Ingreso / Devolución"; no caso de que o resultado sexa un ingreso, no apartado "Seleccione o tipo de Declaración" poderás escoller a forma de pagamento. 
A domiciliación bancaria estará dispoñible se a declaración se presenta entre o día 3 de abril e o 26 de xuño de 2024, ambos os dous incluídos. Indica o IBAN en que desexas domiciliar a declaración, que debe tratarse dunha conta bancaria informada á AEAT que admita domiciliacións e de que sexas titular. Pode ser unha conta bierta en España ou no estranxeiro (UE /SEPA).
Se optas polo pagamento mediante NRC ou outras formas de pagamento que supoñan un ingreso, e se accedes con Cl@ve, certificado electrónico ou DNIE, pulsa o botón "Realizar pagamento (obter NRC )", para enlazar coa pasarela de pagamento e obter o NRC xustificante do pagamento.
Outra alternativa serían as opcións de recoñecemento de débeda. Nestes casos, na folla resposta de presentación realizada con éxito, mostrarase unha ligazón para realizar a presentación do adiamento ou da solicitude de compensación. Pulsa "Tramitar débeda" e aparecerá o detalle da liquidación cos datos do debedor e a clave de liquidación.
Desde a xanela "Formalizar Ingreso/Devolución" tamén podes obter un ficheiro con formato BOE, axustado ao deseño de rexistro en vigor, utilizando o botón "Exportar" situado na esquina inferior esquerda, con nome o NIF do declarante, exercicio, 0A e con extensión.714.
Pulsa "Conforme" e despois "Asinar e Enviar".
Se a declaración queda presentada correctamente devolverase unha páxina coa mensaxe "A súa presentación foi realizada con éxito" e o código seguro de verificación asignada. Ademais mostrarase un PDF que contén unha primeira folla coa información da presentación (número de entrada de rexistro, Código Seguro de Verificación, número de xustificante, día e hora de presentación e datos do presentador) e, nas páxinas posteriores, a declaración presentada. Consulta o panel de avisos por se necesitas realizar algunha rectificación.
