Renda 2019

Servizo tramitación de borrador / declaración 2019 (Renda WEB)

No servizo de tramitación do borrador ou declaración (Renda WEB) 2019 o contribuínte de calquera tipo de renda, terá acceso aos servizos de Renda que nese momento estean habilitados, ademais dos enlaces a trámites e consultas dese exercicio.

Fai clic en "Servizo tramitación de borrador/declaración (Renda WEB) 2019" e indica o teu DNI o NIE para acceder con Cl@ve PIN ou co número de referencia da campaña actual ou utiliza o enlace "Acceda con certificado ou DNI electrónico" para identificarte con certificado electrónico ou DNIe.

A continuación, valida a referencia de Renda, identifícate co PIN ou selecciona a túa firma dixital.Despois podes indicar se actúas en nome propio ou como representante.

Se actúas en nome propio accederás directamente ao expediente, no que dispoñerás da seguinte información:

• O estado de tramitación da declaración.

• Os servizos dispoñibles, entre eles a consulta de datos fiscais, datos censuais ou a consulta e presentación do borrador/declaración (Renda WEB).

• A historia do expediente onde quedaron gravados todos os estados do expediente e, se xa está presentada, obter unha copia da declaración presentada dende o enlace "Gravación da declaración...".

Se usas o acceso como representante, despois solicítanse os datos do representado para o que vas actuar.

Se hai rexistrado un apoderamento para ese NIF que permita a consulta e confección de Renda, accederás ao expediente.

Se se trata dun colaborador social, para acceder ao expediente de Renda é imprescindible achegar a referencia de Renda válida para ese contribuínte.

Unha vez no expediente, en "Servizos Dispoñibles" fai clic en "Borrador/Declaración (Rende WEB)" para tramitar a declaración;se xa accediches a Renda WEB nalgún outro momento, nunha ventá emerxente informarase da existencia dunha declaración anterior, que podes recuperar dende a opción "Continuar sesión", modificar unha declaración presenta anteriormente dende "Modificar declaración presentada"Ou comezar unha nova tramitación dende "Nova declaración" incorporando novamente os datos fiscais.Tamén poderás escoller a lingua cooficial na que desexas realizar a declaración.

Se é a primeira vez que accedes, mostraranse na primeira pantalla, os datos identificativos do declarante e do resto de declarantes dos compoñentes da unidade familiar.Se contén datos erróneos ou imprecisos ou se omitiu algún dato concreto, antes deberás modificalo.Ten en conta que o estado civil e se tes fillos menores de idade ou incapacitados xudicialmente sometidos a patria potestade prorrogada ou rehabilitada, non poderá ser modificado posteriormente.

No caso de que exista cónxuxe, deberás autorizar o traslado de datos fiscais do cónxuxe coa referencia ou Cl@ve PIN deste.Se non desexas introducir os datos fiscais do cónxuxe, debes marcar a casa para o cálculo da declaración individual.

Pulsando a icona co símbolo dun lapis podes modificar ou introducir novos membros na unidade familiar.Para borralos, pulsa a icona do aspa.Unha vez cumpridos os datos na parte inferior pulsa "Aceptar".

Tras aceptar a pantalla de datos identificativos, se a aplicación detecta que se deben trasladar á declaración datos fiscais adicionais, segue as instrucións das seguintes ventás para incorporar esta información.Se non necesitas incorporar información adicional para xerar a declaración, accederás directamente ao resumo de resultados dende onde poderás tanto comprobar cal é o resultado da declaración para cada modalidade e completar a declaración, se fose necesario.

Na parte superior dispós dun menú adicional dende o que podes visualizar os datos fiscais imputados para cada declarante e descargar un PDF coa vista previa da declaración de cada declarante ou conxunta.Ten en conta que para poder visualizar os documentos en formato PDF é necesario ter instalado no seu equipo un visor de ficheiros PDF, por exemplo, Adobe Acrobat Reader (recomendamos polo menos a versión 9.0). Recorda que a descarga deste visor de documentos PDF pode realizarse dende a páxina www.adobe.es de forma gratuíta.

Dende "Ver datos trasladados" poderás comprobar cales son os datos que se incorporaron na declaración, os non incorporados e as notas da incorporación.

Tamén dispós de vídeos explicativos e, na icona da interrogación, o acceso ao manual de axuda para a presentación da declaración de Renda.

Dende o "Resumo de declaracións" tamén poderás gardar a declaración mediante a opción "Gardar" e ver os teus datos persoais dende "Datos persoais".Pulsando o botón "Continuar coa declaración", poderás acceder ás distintas páxinas da declaración para comprobar todos os datos e seguir completando a declaración.

No botón "Apartados" poderás acceder ás distintas seccións da declaración e mediante os comandos con frechas moverse entre as páxinas.Antes de presentar a declaración comproba se ten erros na cumprimentación pulsando o botón "Validar".Se necesitas ir a unha casa concreta ou a un concepto da declaración fai clic na icona da lupa.

Dende esta mesma ventá podes acceder ao resumo de resultados ou "Presentar declaración" para finalizar a tramitación da declaración.

Selecciona como desexas presentar a declaración, individual ou conxunta.

Se a declaración ten como resultado unha devolución só terás que indicar o código IBAN, pero se a declaración ten como resultado un ingreso e desexas aboar o importe na túa entidade financeira, fai clic en "Documento para ingresar en Banco/Caixa" deste modo quedará presentada por internet pero pendente de ingreso, co que será necesario acudir a unha entidade financeira co documento de ingreso para realizar o pagamento.

Se marcas "Pagamento electrónico" podes obter o NRC mediante coargo en conta ou mediante tarxeta ou incluír un NRC xa obtido directamente no banco cumplimentándoo na casa correspondente.Tamén pode seleccionar outras formas de pagamento como o recoñecemento de débeda con imposibilidade de pagamento ou solicitude de aprazamento entre outros.

Por último, pulsa "Aceptar" para realizar a presentación telemática;a continuación marca a casa "Conforme" e fai clic en "Asinar e enviar" para rematar co proceso de presentación.