7.4.2.8. Formalización de actividades en estimación directa

Actividades en  estimación directa

Recóllense as actividades  económicas realizadas polo contribuínte  en estimación directa en calquera das súas modalidades (normal ou simplificada ).

Se se exerce a actividade a través dunha entidade sometida ao   réxime de atribución de rendas como son as comunidades de bens, as herdanzas xacentes,  as  sociedades civís que non teñan personalidade xurídica, as sociedades civís con personalidade xurídica que non teñen obxecto mercantil etc,  non deberá encher este apartado, deberá consignar o rendemento neto atribuído no apartado  E " Réximes especiais" Réxime de atribución de rendas: rendementos do capital e de actividades económicas e ganancias e perdas patrimoniais".

Clave  indicativa do tipo de actividade 

Neste recadro seleccionarase o tipo ou natureza da actividade entre algunha das  cinco seguintes:

1. Actividades empresariais de carácter mercantil

   Teñen carácter mercantil aquelas actividades empresariais que son así cualificadas conforme ás disposicións do Código de Comercio.

   En xeral, clasificaranse neste apartado todas as actividades que non deban incluírse en ningún dos números seguintes.

2. Actividades agrícolas,  gandeiras, forestais e pesqueiras

   Enténdese por actividades agrícolas ou gandeiras aquelas mediante as cales se obteñan directamente das explotacións produtos naturais, vexetais ou animais e non se sometan a procesos de transformación, elaboración ou manufactura.

   Considerarase proceso de transformación, elaboración ou manufactura toda actividade para cuxo exercicio sexa preceptivo a alta nun epígrafe correspondente a actividades industriais nas tarifas do Imposto sobre Actividades Económicas.

   Inclúense entre as actividades agrícolas e gandeiras:

   1. A gandaría independente.

   2. A prestación, por agricultores ou gandeiros, de traballos ou servizos accesorios de natureza agrícola ou gandeira, cos medios que ordinariamente son utilizados nas súas explotacións.

   3. Os servizos de cría, garda e engorde de gañado.

3. Outras actividades empresariais de carácter non mercantil

   Incluiríanse nesta clave, por exemplo, as actividades de artesanía, sempre que as vendas dos obxectos construídos ou fabricados realícense nos propios talleres dos artesáns.

4. Actividades profesionais de carácter artístico ou deportivo

   Son actividades artísticas e deportivas as incluídas na Sección Terceira das Tarifas do Imposto sobre Actividades Económicas.

5. Restantes actividades profesionais

   Ademais das artísticas e deportivas indicadas na clave anterior, son actividades profesionais, como regra xeral, as incluídas na Sección Segunda das Tarifas do Imposto sobre Actividades Económicas (mesmo se son desenvolvidas por comunidades de bens e demais entidades en réxime de atribución de rendas, a quen a normativa do IAE obrígalles a matricularse no epígrafe correlativo ou análogo da Sección Primeira).

   En particular, teñen esta consideración os rendementos derivados do exercicio de profesións liberais.

Modalidade de determinación  do rendemento neto

Deberá indicar  a modalidade de determinación do rendemento neto: Normal ou Simplificada.

Grupo ou epígrafe de IAE

Seleccionarase o epígrafe, se se trata dunha actividade empresarial, ou o grupo, se é profesional, en que a actividade estea clasificada para os efectos do Imposto sobre Actividades Económicas.

Se o contribuínte desenvolve varias actividades encadradas na mesma clave, deberá consignarse a clasificación no   IAE da principal (aquela de que se obtivese un maior volume de ingresos).

Excepcionalmente se a actividade que se realiza non precisa de alta no Imposto de Actividades Económicas, deixarase este recadro sen cubrir.

Criterio de imputación teporal de cobramentos e pagamentos

Marcarán este recadro os titulares de actividades empresariais de carácter non mercantil ou de actividades profesionais que opten polo criterio de imputación temporal de cobramentos e pagamentos.

Esta opción ten que referirse necesariamente a todas as actividades desenvolvidas polo mesmo titular.

Ingresos

Deberá consignar en cada un dos apartados os  ingresos íntegros da actividade

Gastos

Deberá incluír, de maneira analizada, os  gastos da actividade que sexan fiscalmente deducibles.

Pagamentos fraccionados e retencións 

Deberá consignar o importe das retencións e ingresos a conta e o programa trasladaraos ao recadro  0599 da páxina  22 da declaración.

Os pagamentos fraccionados correspondentes a todas as actividades económicas, incluídos os pagamentos fraccionados das actividades realizadas en réxime especial de atribución de rendas consignaranse en no Apartado  M "Cálculo do imposto e resultado da declaración "recadro 0604  da páxina 22  da declaración.

Transmisión  de elementos patrimoniais que gozasen  de liberdade de  amortización: exceso de amortización deducida con respecto a amortización deducible (disposición adicional trixésima Lei IRPF).

Se se transmitiron en 2019  elementos patrimoniais que gozasen da liberdade de amortización prevista na disposición adicional undécima do texto refundido da Lei do Imposto sobre Sociedades, para o cálculo da ganancia ou perda patrimonial  non se minorará o valor de  adquisición no importe das amortizacións fiscalmente deducidas que excedan de que fosen fiscalmente deducibles de non haberse aplicado aquela. O citado exceso terá para o transmitente a consideración do rendemento íntegro da actividade económica no período impositivo en que se efectúe a transmisión.

Provisións deducibles e gastos de difícil xustificación  (estimación directa simplificada)

O conxunto das provisións deducibles e os gastos de difícil xustificación cuantificaranse exclusivamente aplicando a porcentaxe do 5 por 100 sobre o rendemento neto, excluíndo para o cálculo o devandito conceptos, co límite de 2000 euros. Este cálculo é realizado e aplicado polo programa.

Cando se opte por aplicar a redución prevista para os titulares de actividades económicas realizadas para un único cliente non será aplicable a porcentaxe do 5 %en concepto de provisións e gastos de difícil xustificación dada a incompatibilidade entre ambos os dous. 

Redución por rendementos xerados en máis de dous anos ou obtidos de forma notoriamente irregular

Normalmente a redución deberá consignarse sen signo algún. Porén, cando a redución afecte a un rendemento neto negativo consignarase precedida do signo (-).

Outras reducións

Se ten dereito á redución por inicio dunha actividade económica deberá marcar o recadro correspondente. Se realizou máis dunha actividade económica durante o exercicio con dereito á redución, incluídas as realizadas a través de entidades en réxime de atribución de rendas, deberá marcar o recadro correspondente a cada unha das actividades.

Se cumpre os requisitos para poder aplicar  a redución para traballadores autónomos dependentes ou cun único cliente vinculado (Art 32.2.1º) deberá reflectir a súa situación sinalando a clave correspondente.

Se non sinalou ningunha clave no recadro relativo á redución anterior e cumpre os requisitos esixidos para contribuíntes con rendas inferiores a 12.000 euros, (Art 32.2.3º) o programa calculará directamente a redución.