Índices correctores e reducións

1. Índices correctores

   O programa calcula e aplica, en función dos datos consignados na "información adicional" os índices correctores  que procedan segundo as características da actividade desenvolvida.

2. Redución de carácter xeral

   Esta redución do 20 %será calculada polo programa.

   O rendemento neto de módulos, así calculado, tera en contase para a aplicación, se é o caso, da redución da Lei 19/1995, do 4 de xullo, de Modernización das Explotacións Agrarias (agricultores novos).

3. Redución por agricultores novos

   Para que o programa aplique esta redución debería cubrir SI no recadro  "1ª Instalación explotación prioritaria" da "información adicional"

4. Gastos extraordinarios por circunstancias excepcionais

   Poderá consignar o importe dos gastos co fin de minorar o rendemento neto cando o desenvolvemento da actividade vísese afectado por incendios, inundacións, afundimentos ou outras circunstancias excepcionais que determinen gastos extraordinarios alleos ao proceso normal do exercicio daquela sempre que  se cumpran determinadas condicións.

5. Redución por rendementos xerados en máis de dous anos ou obtidos de forma notoriamente irregular

   Os rendementos netos cun período de xeración superior a dous anos, así como aqueles cualificados regulamentariamente como obtidos de forma notoriamente irregular no tempo, cando se imputen ambos os dous a un único período impositivo, reduciranse nun 30 %.

   Normalmente a redución deberá consignarse sen signo algún. Porén, cando a redución afecte a un rendemento neto negativo consignarase precedida do signo (-).

6. Redución polo exercicio de determinadas actividades económicas

   Os contribuíntes con rendas non exentas inferiores a 12.000 euros, incluídas as da propia actividade económica, poderán reducir o rendemento neto das actividades económicas nas seguintes contías:

   • Contribuíntes con rendas non exentas iguais ou inferiores a 8.000 euros anuais: 1.620 euros anuais.

   • Contribuíntes con rendas non exentas comprendidas entre 8.000,01 e 12.000 euros anuais: 1.620 euros – [0,405 x (Rendas – 8.000 euros)]

   Esta redución ten como límite a contía dos rendementos das actividades económicas dos contribuíntes que xeren o dereito á súa aplicación.

   Esta redución é única para o conxunto das actividades económicas exercidas, con independencia do método polo que se determine o rendemento neto, polo que, se se realizan varias, haberá que distribuír o seu importe de forma proporcional entre todas elas.