Formalización

1. A nova declaración (complementaria) recollerá a totalidade dos datos que deban ser declarados; para iso, deberá incorporar os datos que non introducise, modificar os erróneos e manter os datos consignados na declaración orixinaria que sexan correctos.

   Se a complementaria é sobre unha declaración conxunta deberá modificar os datos en cada unha das declaracións individuais e cubrir na declaración conxunta o apartado "Declaración complementaria" conforme ao que se expón a continuación.

2. Adicionalmente terá que cubrir o apartado "Declaración complementaria"

   Se da declaración complementaria resulta unha cantidade a devolver inferior á solicitada na anterior declaración e esta devolución non foi acordada pola Axencia Tributaria, marcará unicamente o recadro 107.

   Noutro caso, marcará o recadro" Declaración complementaria por razóns distintas á do recadro anterior" indicando o recadro ou recadros que se correspondan co tipo de declaración complementaria que vai presentar:

   • Recadro 108. Se percibiu atrasos de rendementos do traballo con posterioridade á presentación da anterior declaración deste exercicio (artigo 14.2.b) da Lei do Imposto).

   • Recadro 109. Se percibiu cantidades pola clausula solo, cando, neste exercicio, consignounos como gasto deducible de rendementos de capital inmobiliaria, ou actividade económica (D.A. 45ª da Lei do Imposto). 

   • Recadro 110. Cando deba presentar declaración complementaria deste exercicio por perder a condición de contribuínte por cambio de residencia ao estranxeiro, agás os contribuíntes que estean no caso do recadro 111 (primeiro parágrafo do artigo 14.3 da lei do Imposto).

   • Recadro 111. No caso que se produza un traslado de residencia a outro estado da Unión Europea, e óptase por imputar as rendas pendentes a medida que se obteñan (parágrafo segundo do artigo 14.3 da Lei do Imposto).

   • Recadro 112. Declaración complementaria  por cambio de residencia cando se dean as circunstancias previstas no artigo 95 bis.2 da Lei do Imposto.

   • Recadro 113. Declaración complementaria pola perda da condición de residente do socio ao que fose de aplicación o réxime especial de troco de valores ou o réxime especial de fusións e escisións previstas no Capítulo VII da Lei do Imposto sobre Sociedades e o socio trasladou a súa residencia a un Estado membro da Unión Europea ou do Espazo Económico Europeo (artigos 80.4 ou 81.3 da Lei do Imposto sobre Sociedades).

   • Recadro 114. Complementaria se se produciu cambio de residencia a outra Comunidade Autónoma e o cambio non ten efectos (artigo 72.2 da Lei do Imposto).

   • Recadro 115. Cando se realizou, neste exercicio disposición anticipada de dereitos consolidados de sistemas de previsión social  (artigo 50 do Regulamento do Imposto).

   • Recadro 116. Cando o titular do patrimonio protexido de persoas con discapacidade dispuxese anticipadamente de bens ou dereitos achegados  (artigo 54.5 da Lei do Imposto).

   • Recadro 117. Cando se incumpriron as condicións necesarias para poder aplicar a exención por reinvestimento en vivenda habitual e entidades de nova ou recente creación, declaradas neste exercicio  (artigo 41.5 do Regulamento do Imposto).

   • Recadro 118. Cando se incumpriu as condicións que se asumiron na aplicación da exención por reinvestimento en rendas vitalicias, ou ben anticipación total ou parcial dos dereitos económicos derivados daquelas rendas vitalicias (artigo 42.5 do Regulamento do Imposto).

   • Recadro 119. Cando se incumpriu o prazo do mantemento das accións en, polo menos, tres anos, entregadas aos traballadores (artigo 43.2 do Regulamento do Imposto).

   • Recadro 120. Cando declarou exenta unha indemnización por despedimento ou cesamento neste exercicio, e con posterioridade prodúcese a perda da devandita exención  (artigo 73.1 do Regulamento do Imposto).

   • Recadro 121. Cando se adquiran elementos patrimoniais, valores ou participacións homoxéneas que impidan computar a perda patrimonial inicialmente consignada na declaración deste exercicio (artigo 73.2 do Regulamento do Imposto).

   • Recadro 122. Cando o motivo da declaración complementaria é distinto aos reflectidos nos recadros 108 a 121.

3. Resultado das anteriores autoliquidacións correspondentes a este exercicio:

   Consignarase ademais, no recadro que proceda, a cantidade que hai que ingresar da anterior declaración, ou se a declaración orixinaria resultou a devolver (agás cando marcase o recadro 107) o importe da devolución sempre que esta xa fose efectuada pola Administración Tributaria.

   Unha vez determinada a cota diferencial resultante da nova liquidación, restarase da mesma o importe que se ingresou na declaración orixinaria, se esta foi positiva, ou ben se lle sumará a devolución percibida, se resultou a devolver.

   O resultado así obtido é a cota que deberá ser ingresada como consecuencia da declaración complementaria.

   Os cálculos realízaos o programa.

   Picando na icona "Máis info" ábrese unha xanela en que se visualizará o resultado da declaración complementaria.