5.2.1. Fillos menores de 18 anos e maiores sobre os que se constituíu curadoría representativa ou están suxeitos a patria potestade prorrogada ou rehabilitada

Neste apartado só se relacionan os fillos (naturais ou por adopción) que na data de devindicación do imposto sexan menores de 18 anos (non sendo que co consentimento dos pais vivan independentemente destes), ou ben, os fillos maiores de idade sobre os que se constituíu curadoría representativa ou están suxeitos a patria potestade prorrogada ou rehabilitada.

Na xanela de captura de datos deberá facilitar para cada un dos fillos a seguinte información:

• Apelidos e nome

• O NIF : terá que cubrir necesariamente o NIF dos fillos cando estes sexan maiores de 14 anos, cando, calquera que sexa a súa idade obteñan rendas, cando os fillos dean dereito á dedución por descendentes con discapacidade a cargo e cando se vaia a aplicar a dedución establecida para as unidades familiares en que algún dos seus membros resida nun país da Unión Europea ou do Espazo Económico Europeo, distinto de España.

• Data de nacemento

• Vinculación: consignarase no recadro "Vinculación" a clave que corresponda de que se indican a continuación:

  1. Fillo de ambos os dous cónxuxes

     No impreso de declaración non se visualizará ningunha clave no recadro "Vinculación".

  2. Fillo exclusivamente do «Primeiro declarante», sempre que este non conviva tamén co outro proxenitor.

     No impreso de declaración visualizarase a clave B na declaración conxunta e na declaración individual do "primeiro declarante".

  3. Fillo exclusivamente do «Cónxuxe», sempre que este non conviva tamén co outro proxenitor.

     No impreso de declaración visualizarase a clave C na declaración conxunta e a clave B na declaración individual do "cónxuxe".

  4. Fillo do «Primeiro declarante» cando o devandito fillo tamén convive co outro proxenitor.

     Utilizarase esta clave nos seguintes supostos:

     1. Se non existe matrimonio entre ambos os proxenitores ou nos casos de separación legal ou divorcio cando ademais a garda e custodia dos fillos está compartida.

     2. No suposto de que un dos proxenitores falecese no exercicio e os fillos convivisen con ambos os dous proxenitores ata agora do seu falecemento, o cónxuxe supérstite deberá consignar esta clave D na súa declaración. Na declaración do cónxuxe falecido deberá consignarse a clave "A".

     No caso de indicar esta clave “D” deberá consignar tamén o NIF, os apelidos, o nome e o sexo do outro proxenitor. No caso de que o outro proxenitor carecese de NIF ou NIE , deberá marcar cunha X o recadro habilitado para ese fin.

     No impreso de declaración visualizarase a clave D na declaración conxunta e na declaración individual do "primeiro declarante".

  5. Fillo exclusivamente do «Cónxuxe» cando o devandito fillo tamén convive co outro proxenitor, incluídos os supostos de garda e custodia compartida entre ambos os dous proxenitores.

     No impreso de declaración visualizarase a clave E na declaración conxunta e a clave D na declaración individual do cónxuxe.

     No caso de indicar esta clave “E” deberá consignar tamén o NIF, os apelidos, o nome e o sexo do outro proxenitor. No caso de que o outro proxenitor carecese de NIF ou NIE, deberá marcar cunha X o recadro habilitado para ese fin.

• Discapacidade: no caso de que algún dos fillos relacionados poida acreditar un grao de discapacidade igual ou superior ao 33 %a 31 de decembro reflectirase o grao de discapacidade recoñecido consignando a clave correspondente.

• Outras situacións: unicamente cubrirase o recadro "Outro situacións" cando concorra nos fillos algunha das seguintes circunstancias:

  • Clave 2. Fillo/a maior de idade sobre o que se constituíu curadoría representativa ou incapacitado/a xudicialmente suxeito/á patria potestade prorrogada.

  • Clave 3. Fillo/a do declarante se este último convive co outro proxenitor se mediar matrimonio entre ambos os dous. (exemplo: parellas de feito con fillos comúns que convivan).

  • Clave 4. Fillo/a do declarante cando concorran simultaneamente as situacións 2 e 3.

• Data de adopción: no caso de adopción indicarase a data (día, mes e ano) en que tivese lugar a inscrición no Rexistro Civil ou, de non ser necesaria a devandita inscrición, a data da correspondente resolución xudicial ou administrativa.

  No caso de fillos adoptados que previamente estivesen acollidos, indicarase ademais a data que corresponda ao acollemento.

• Data de falecemento do fillo se é distinta do 31 de decembro.

• Deberá indicar se o fillo Forma parte ou NON da unidade familiar  (exemplo: nas parellas de feito ou cando a garda e custodia é compartida o proxenitor que faga declaración conxunta cos fillos consignará SI. O outro proxenitor consignará NON).

• Rendas. O programa só admite un máximo de catro fillos perceptores de rendas.

  • Se o fillo percibe rendas anuais superiores a 8.000 euros, excluídas as exentas, marcará o recadro correspondente.

  • Se o fillo presenta declaración individual polo imposto con rendas superiores a 1.800 euros marcará o recadro correspondente.

  No caso de parellas de feito con fillos comúns, e nos de separación legal ou divorcio cando a garda e custodia dos fillos é compartido solo un dos proxenitores pode facer declaración conxunta con eses fillos. O proxenitor que fai declaración individual non reflectirá na súa declaración aos fillos que presentan declaración con  rendas  superiores a 1.800 euros nin aos que teñan rendas superiores a 8.000 euros.

• Se falecese o outro proxenitor antes do 31-12 e o fillo tivese rendas marcará o recadro correspondente.ha

• Se o outro proxenitor faleceu no exercicio e a discapacidade do descendente foi recoñecida con posterioridade ao falecemento marcará o recadro habilitado con este fin.

• Se o fillo foi residente no exercicio en países da Unión Europea ou do Espazo Económico Europeo (distintos de España) e non é contribuínte polo IRPF, marcará o recadro se o declarante (e / ou algún outro membro da unidade familiar que sexa contribuínte do IRPF) vai aplicar a  dedución da disposición adicional cuadraxésimo oitava da Lei de IRPF.

Unha vez cumprimentados os datos anteriores, ao pulsar o botón "aceptar", o programa preguntaralle se autoriza ou non a todos os membros da unidade familiar que obtivesen rendas.

Con esta autorización, o programa calcula as declaracións individuais e a declaración conxunta.

Se non autoriza terá que marcar tributación individual.