5.2.3 Fillos integrantes da unidade familiar que non percibisen rendas e outros descendentes con dereito ao mínimo

Os datos correspondentes aos fillos e outros descendentes introdúcense, modifican ou ratifican conforme ao que se dispón nos puntos 5.2.1 e 5.2.2 anteriores.

Non obstante, unha vez aceptados os devanditos datos, o programa vaille a permitir reflectir, se non o fixese nos apartados anteriores, a fillos e outros descendentes que cumpran determinadas condicións.

No apartado "Fillos integrantes da unidade familiar que non percibisen rendas e outros descendentes con dereito ao mínimo por tal concepto" poderá relacionar unicamente:

• Fillos integrantes da unidade familiar que non obtivesen rendas.

  Se non reflectiu que algún dos fillos da súa unidade familiar tiña rendas ou non relacionou na súa unidade familiar a algún fillo con rendas deberá iniciar unha nova declaración para recoller esa situación no apartado correspondente  (de acordo co recollido no 5.2.1).

• Os fillos que non formen parte da unidade familiar os fillos con idades comprendidas entre os 18 e 24 anos ou de 25 ou máis anos que sexan persoas con discapacidade, os descendentes distintos dos fillos e as persoas en acollemento ou tutela (ou de que se teña a garda e custodia por resolución xudicial) menores de 25 anos ou maiores desa idade con discapacidade sempre que non teñan  rendas,  excluídas as exentas, superiores a 8.000 euros ou que non presenten declaración con rendas superiores a 1.800 euros.

As claves de vinculación, discapacidade, e outras situacións empregaranse nos termos recollidos nos apartados anteriores.