Saltar ao contido principal
Modelo 100. Declaración do Imposto sobre a Renda das Persoas Físicas 2023

8.3.4. Mínimo por ascendente

Requisitos

  • O ascendente debe convivir co contribuínte, polo menos, a metade do período impositivo.

    Entre outros casos, considerarase que conviven co contribuínte os ascendentes con discapacidade que, dependendo do mesmo, sexan internados en centros especializados.

  • O ascendente non debe ter rendas anuais, excluídas as exentas, superiores a 8.000 euros.

  • Non procederá a aplicación do mínimo cando o ascendente presente declaración polo imposto con rendas superiores a 1.800 euros.

  • As circunstancias que determinen a súa aplicación realizarase atendendo á situación existente na data da devindicación.

  • No caso de falecemento, cumprirá que o ascendente convivise co contribuínte, polo menos, a metade do período transcorrido entre o inicio do período impositivo e a data de falecemento.

Contía

  1. En xeral

    Por cada ascendente maior de 65 anos ou con discapacidade calquera que sexa a súa idade: 1.150 euros anuais.

    Cando o ascendente sexa maior de 75 anos, o mínimo aumentarase en 1.400 euros adicionais, isto é, 2.550 euros anuais.

    No caso de falecemento do ascendente durante o exercicio, aplicarase un mínimo, en todos os casos, de 1.150 euros. Polo tanto, aínda que as CCAA fixase mínimos por ascendentes distintos aos establecidos na LIRPF no caso de falecemento do ascendente o mínimo será tamén de 1.150 euros.

    Cando dous ou máis contribuíntes teñan dereito á aplicación do mínimo por ascendentes, o seu importe ratearase entre eles por partes iguais.

    Non obstante, cando os contribuíntes teñan distinto grao de parentesco co ascendente, a aplicación do mínimo corresponderá aos de grao máis próximo, non sendo que estes non teñan rendas anuais superiores a 8.000 euros anuais, excluídas as exentas, en cuxo caso corresponderá aos do seguinte grao.

  2. Comunidade Autónoma de Andalucía

    • Por cada ascendente maior de 65 anos ou con discapacidade calquera que sexa a súa idade: 1.200 euros anuais.

    • Cando o ascendente sexa maior de 75 anos, o mínimo será 2.660 euros anuais.

  3. Comunidade Autónoma das Illes Balears

    • Por cada ascendente maior de 65 anos ou con discapacidade calquera que sexa a súa idade: 1.265 euros anuais.

    • Cando o ascendente sexa maior de 75 anos: 2.805 euros anuais.

  4. Comunidade Autónoma de Galicia

    • Por cada ascendente maior de 65 anos ou con discapacidade calquera que sexa a súa idade: 1.199 euros anuais.

    • Cando o ascendente sexa maior de 75 anos, o mínimo será 2.659 euros anuais.

  5. Comunidade de Madrid

    • Por cada ascendente maior de 65 anos ou con discapacidade calquera que sexa a súa idade: 1.234,26 euros anuais.

    • Cando o ascendente sexa maior de 75 anos, o mínimo será: 2.736,84 euros anuais.

  6. Comunidade Valenciana

    • Por cada ascendente maior de 65 anos ou con discapacidade calquera que sexa a súa idade: 1.265 euros anuais.

    • Cando o ascendente sexa maior de 75 anos, o mínimo será: 2.805 euros anuais.