9.1.4. Formalización

Adquisición, rehabilitación e  ampliación da vivenda habitual

Consignaranse as cantidades investidas en vivenda habitual, segundo as modalidades de investimento:

1. Datos relativos ao cálculo da dedución

   1. Deberá consignar as cantidades satisfeitas no exercicio pola adquisición e / ou construción da vivenda habitual con dereito á dedución de maneira que, se o importe total satisfeito non se destina a eses fins só deberá reflectir a parte destinada á adquisición e / ou construción.

      Exemplo: un matrimonio solicitou para adquirir a súa vivenda habitual un préstamo de 100.000 €. O 80% do préstamo destínano á adquisición da vivenda e o 20% emprégano en gastos de reparación e na compra de mobiliario. Ambos os dous cónxuxes son propietarios do 50 %da titularidade da vivenda e do préstamo.

      No exercicio satisfan 5.000 euros en concepto de amortización e intereses.

      A cantidade satisfeita no exercicio con dereito a dedución a consignar por cada un do cónxuxes na súa declaración será de 2000 € (5.000 *0,8)/2.

      Data de adquisición da vivenda habitual.

      Se a adquisición da vivenda é posterior a 2012 e antes de 2013 pagou cantidades para a súa construción con dereito á dedución, indicará a data da escritura de adquisición ou de obra nova.

   2. Cantidades satisfeitas pola rehabilitación ou ampliación da vivenda habitual.

      Indicará as cantidades investidas no exercicio con dereito a dedución destinada á rehabilitación ou ampliación da vivenda habitual, a data de inicio e de terminación das obras.

   Datos adicionais para residentes en Cataluña.

   A Comunidade Autónoma de Cataluña estableceu en determinadas supostas porcentaxes específicas para o tramo autonómico da dedución. Se cumpre os requisitos cumplimetará os recadros correpondientes.

2. Datos adicionais de carácter informativo

   • Número de identificación do préstamo hipotecario

     Se a adquisición se efectuou, total ou parcialmente, con financiamento alleo e esta consiste exclusivamente nun único préstamo hipotecario, débese consignar o número de identificación do mesmo, indicando o que corresponda ao vixente se se cambiou de préstamo durante o exercicio.

   • Porcentaxe do préstamo hipotecario que se destina á adquisición

     No suposto de que o capital do préstamo hipotecario non se destinase na súa totalidade á adquisición da vivenda, deberá indicar exclusivamente a porcentaxe que efectivamente destinou á adquisición.

     Seguindo co exemplo do punto 1. cada un do cónxuxes reflectirá na súa declaración unha porcentaxe do 80 %xa que o 20% restante destínase a outros fins distintos da adquisición de vivenda habitual.

Obras e instalacións de adecuación da vivenda habitual

Consignaranse as cantidades investidas polo contribuínte en obras e instalacións de adecuación para persoas con discapacidade da vivenda habitual, tendo en conta que a base máxima de dedución non poderá superar 12.080 euros anuais.