4.2.10 Claves 00305 e 00306 amortización de inmobilizado afecto a actividades de investigación e desenvolvemento (Art. 12.3.b) LIS)

Segundo o que se dispón no artigo 12.3.b) da LIS, para os efectos do Imposto sobre Sociedades pódense amortizar libremente os elementos do inmobilizado material e intanxible, excluídos os edificios, afectos ás actividades de investigación e desenvolvemento. Os edificios poderán amortizarse de forma lineal durante un período de 10 anos, na parte que se achen afectos ás actividades de investigación e desenvolvemento.

Na clave [00306] (diminucións) consignarase o exceso de amortización que sobre a amortización contable resulte deducible nos casos previstos na referida letra b) no período impositivo obxecto de declaración.

Na clave [00305] (aumentos) consignarase o importe das amortizacións (relativas a calquera dos elementos referidos) contabilizado no período impositivo obxecto de declaración e que, por aplicación da devandita norma fiscal, xa fose deducido en períodos impositivos anteriores mediante a correspondente diminución ao resultado contable. Así mesmo, no suposto de transmisión do elemento que se acollese á liberdade de amortización, no período impositivo en que se transmita deberase incluír nesta clave o importe dos axustes negativos practicados con anterioridade e que aínda non se integrasen positivamente na base impoñible.