4.2.27 Clave 01002 gastos non deducibles por considerarse retribución de fondos propios (Art. 15 a) LIS)

Segundo establécese no artigo 15 a) da LIS os gastos que representen unha retribución dos fondos propios non serán fiscalmente deducibles.

Con esta finalidade, terá a consideración de retribución de fondos propios, a correspondente aos valores representativos do capital ou dos fondos propios de entidades, con independencia da súa consideración contable.

Así mesmo, terán a consideración de retribución de fondos propios a correspondente aos préstamos participativos outorgados por entidades que formen parte do mesmo grupo de sociedades segundo os criterios establecidos no artigo 42 do Código de Comercio, con independencia da residencia e da obriga de formular contas anuais consolidadas.

No referente aos préstamos participativos, a disposición transitoria décimo sétima da LIS establece que o que se dispón no artigo 15.a) da LIS , non resultará de aplicación aos prés­tamos participativos outorgados con anterioridade a 20 de xuño de 2014.

Polo tanto, no período impositivo en que se contabilicen estes gastos considerados non deducibles, deberase realizar un axuste ao resultado contable na clave [01002] de aumentos.