4.2.50 Claves 02184 e 02185 exención sobre a renda obtida na transmisión de valores entidades non residentes (Arts. 21.3 LIS)

No referente á renda obtida na transmisión de participacións de entidades non residentes, deberase incluír na clave [02185] «Exención sobre a renda obtida na transmisión de valores entidades non residentes (art. 21.3 LIS)» da páxina 12 do modelo 200, o im­porte das rendas positivas obtidas da devandita transmisión que están exentas por cumprir cos requisitos do artigo 21.3 da LIS .

Na clave [02184] «Exención sobre a renda obtida na transmisión de valores en­tidades non residentes (art. 21.3 LIS)» da páxina 12 do modelo 200, deberá incorporarse o importe das rendas negativas obtidas na transmisión de participacións de entidades non residentes que non se integren na base impoñible por cumprir os requisitos do artigo 21.3 da LIS ou ben por non cumprir o requisito da letra b) de do artigo 21.1 da LIS .

Nota común ás exencións do artigo 21.3 da LIS

Non se aplicará a exención prevista no artigo 21.3 da LIS :

1. Ás rendas distribuídas polo fondo de regulación de carácter público do mercado hipo­tecario.

2. Ás rendas obtidas por agrupacións de interese económico españolas e europeas, e por unións temporais de empresas, cando, polo menos un dos seus socios, teña a condición de persoa física.

3. Ás rendas de fonte estranxeira que a entidade integre na súa base impoñible e en relación coas cales opte por aplicar, se procede, a dedución establecida nos artigos 31 ou 32 desta Lei.