4.2.64 Claves 00377 e 00378 sociedades e fondos de capital-risco e sociedades de desenvolvemento industrial rexional (Capítulo IV, Título VII LIS)

Para as entidades (sociedades e fondos) de capital-risco, reguladas na Lei 22/2014 reguladoras das entidades de capital-risco, outras entidades de investimento colectivo de tipo pechado e as sociedades xestoras de entidades de investimento colectivo de tipo pechado, e pola que se modifi ca a Lei 35/2003, do 4 de novembro, de Institucións de Investimento Colectivo, o apartado 1 do artigo 50 da LIS, establece a exención do 99 por cento das rendas que obteñan na transmisión de valores representativos da participación no capital ou nos fondos de empresas ou entidades de capital-risco a que se refire o artigo 3 da Lei 22/2014, en relación con aquelas rendas que non cumpran son os requisitos establecidos no artigo 21 da LIS , sempre que a transmisión se produza a partir do inicio do segundo ano de tenza computada desde o momento de adquisición ou da exclusión de cotización e ata o décimo quinto, inclusive. Excepcionalmente, poderá admitirse unha ampliación deste último prazo, ata o vixésimo ano, inclusive.

Nos parágrafos cuarto e quinto do mencionado apartado 1 do artigo 50 da LIS recóllense outras condicións para a aplicación da devandita exención e no apartado 6 do mesmo artigo recóllense os supostos en que a exención non é aplicable en caso de non cumprirse os requisitos establecidos no artigo 21 da LIS .

Os dividendos ou participacións en beneficios percibidos das sociedades participadas polas sociedades de desenvolvemento industrial rexional regulada na Lei 18/1982, do 26 de maio, sobre réxime fiscal de agrupacións e unións temporais de Empresas e das Sociedades de desenvolvemento industrial rexional, gozarán da exención prevista no artigo 21.1 da LIS calquera que sexa a porcentaxe de participación e o tempo de tenza das accións ou participacións.

As sociedades e fondos de capital-risco e as sociedades de desenvolvemento industrial rexional deberán incluír na clave [00378] (diminucións) o importe das rendas exentas referidas nos parágrafos anteriores deste apartado.