2.7.1.2 Entidade parcialmente exenta

Marcarán esta clave os contribuíntes aos que no período impositivo obxecto de declaración, fóselles de aplicación o réxime das entidades parcialmente exentas a que se refire o Capítulo XIV do Título VII da LIS. De acordo co artigo 9.3 da LIS , estarán parcialmente exentos nos termos previstos no Capítulo XIV do Título VII os seguintes contribuíntes:

• As entidades e institucións sen ánimo de lucro ás que non sexa de aplicación o Título II da Lei 49/2002, do 23 de decembro, de réxime fiscal das entidades sen fins lucrativos e dos incentivos fiscais ao mecenado.

• As unións, federacións e confederacións de cooperativas.

• Os colexios profesionais, as asociacións empresariais, as cámaras oficiais, os sindicatos de traballadores.

• Os fondos de promoción de emprego constituído ao abeiro do artigo 22 da Lei 27/1984, do 26 de xullo, sobre reconversión e reindustrialización.

• As Mutuas Colaboradoras da Seguridade Social, reguladas no texto refundido da Lei Xeral da Seguridade Social, aprobado polo  RDLeg. 1/1994, do 20 de xuño.

• As entidades de dereito público Portos do Estado e as respectivas das comunidades autónomas, así como as autoridades portuarias.