9.3.2 Apartado “Gastos financeiros pendentes de deducir”

Dentro deste apartado, a entidade deberá consignar na columna «Pendente de aplicación a principio do período. Por límite 16.5 e 83 LIS», os gastos financeiros derivados de débedas destinadas á adquisición de participacións no capital ou fondos propios de calquera tipo de entidades xeradas en períodos impositivos correspondentes a 2015, 2016, 2017 e 2018 respectivamente, e que ao principio do período impositivo obxecto de declaración, están pendentes de deducir por aplicación da limitación regulada nos artigos 16.5 e 83 da LIS .

Na columna «Pendente de aplicación a principio do período. Resto», a entidade deberá incluír os gastos financeiros netos xerados nos períodos impositivos 2012 a 2018, e que ao principio do período impositivo están pendentes de deducir por aplicación do límite establecido no artigo 16.1 da LIS ; así como os gastos financeiros derivados de débedas destinadas á adquisición de participacións no capital ou fondos propios de calquera tipo de entidades xeradas en períodos anteriores que cumprindo o límite establecido nos artigos 16.5 e 83 da LIS , non foron deducibles en períodos impositivos anteriores por aplicación do límite previsto no artigo 16.1 da devandita norma.

Nas claves [01188], [01193], [01198], [01203], [01463], [01737] e [01978], a entidade consignará os gastos financeiros xerados nos períodos impositivos correspondentes a 2012, 2013, 2014, 2015, 2016, 2017  e 2018 respectivamente, que estean pendentes de deducir no período obxecto de declaración de acordo co sinalado no parágrafo anterior.

Na columna «Aplicada nesta liquidación », a entidade deberá consignar o importe que dos gastos financeiros xerados en períodos impositivos anteriores pendentes de deducir recollidos nas columnas «Pendente de aplicación a principio do período », aplique no período impositivo obxecto de declaración.

Na columna «Pendente de aplicación en períodos futuros. Por límite 16.5 e 83 LIS», a entidade consignase os gastos financeiros pendentes de aplicación en períodos impositivos futuros xerados, de acordo ao establecido anteriormente, nos períodos impositivos 2015 a 2018, respectivamente.

Na columna «Pendente de aplicación en períodos futuros. Resto», incluiranse os gastos financeiros netos pendentes de deducir en períodos impositivos futuros, que non fosen obxecto de dedución nos períodos impositivos 2012 a 2018 que non fosen obxecto de dedución por aplicación do límite establecido no artigo 16.1 da LIS , e, así mesmo, os gastos financeiros derivados de débedas destinadas á adquisición de participacións no capital ou fondos propios de calquera tipo de entidades, que cumprindo o límite dos artigos 16.5 e 83 da LIS , estean pendentes de deducir por aplicación do límite establecido no artigo 16.1 da devandita norma.