10.2.1.3 Documentación para acreditar a identidade

Cada Autoridade de Certificación-AC - fixa a documentación que o solicitante debe presentar para acreditar a identidade. Esta información publícase no sitio Internet de cada  AC.

No caso dos certificados electrónicos emitidos pola Fábrica Nacional de Moeda e Timbre, a  AEAT  actúa como Oficina de Rexistro para a acreditación da identidade (en ningún caso é emisora do certificado electrónico). Os cidadáns non residentes en territorio español poderán xestionaro a través das Oficinas Consulares de España no estranxeiro, sen necesidade de realizar un desprazamento a España.

Poderase consultar a documentación que se deberá achegar para os certificados electrónicos emitidos pola  FNMT  na seguinte ligazón:

Ligazón a preguntas frecuentes - acreditación do certificado: documentación a presentar

Tamén pode visitar a páxina da Fábrica Nacional de Moeda e Timbre:

Ligazón a Fábrica Nacional de Moeda e Timbre 

Certificados de usuario de persoa física:

Para os certificados de usuario de persoa física emitidos pola Fábrica Nacional de Moeda e Timbre (FNMT), o solicitante deberá achegar, ademais da solicitude,  a tarxeta ou documento acreditativo do número de identificación fiscal, atribuído pola Administración española (DNI,  NIE,  NIE  L,  NIF  K ou  NIF  M).

Cidadán de nacionalidade española:  DNI, pasaporte ou carné de conducir.

Cidadán da Unión Europea:  documento Nacional de Identificación de Estranxeiro/certificado de cidadán da Unión / Documento oficial de concesión do   NIF /NIE, onde conste o  NIE  canda o pasaporte ou documento de identidade do país de orixe.

Cidadán estranxeiro:  tarxeta Vermella/Verde/Blanca de Identificación de Estranxeiros onde consta o  NIE  canda o pasaporte, ou documento oficial de concesión do   NIF /NIE  canda o pasaporte.

Certificados electrónicos de representante de persoa xurídica:

Para os certificados electrónicos de representante de persoa xurídica emitidos pola Fábrica Nacional de Moeda e Timbre (FNMT), o solicitante deberá achegar, ademais da solicitude, a seguinte documentación:

A. Documentación relativa á entidade :

As sociedades mercantís e demais persoas xurídicas cuxa inscrición sexa obrigatoria no Rexistro Mercantil: certificado recente do Rexistro Mercantil expedido con prazo non superior aos quince días anteriores á data de solicitude do certificado relativo aos datos de constitución e personalidade xurídica das mesmas (será válida, para estes fins, unha nota simple con todas as súas follas seladas polo Rexistro Mercantil). O prazo sinalado anteriormente comezará contado desde o día seguinte ao da data de expedición, sen computar sábados, domingos e festivos.

As Asociacións, Fundacións e Cooperativas non inscribibles no Rexistro Mercantil: certificado recente do rexistro público, expedido con data non superior a quince días anteriores á data de solicitude do certificado, onde consten inscritas, relativo á súa constitución. O citado prazo  comezará contado desde o día seguinte ao da data de expedición, sen computar sábados, domingos e festivos. 

As sociedades civís e demais persoas xurídicas: documento público que acredite a súa constitución de maneira fidedigno.

B. Documentación relativa ao representante:

Se o solicitante é administrador ou representante legal suxeito a inscrición rexistral; certificado do correspondente Rexistro Mercantil relativo ao seu nomeamento e vixencia do seu cargo, sendo válida para estes fins unha nota simple con todas as súas follas seladas polo Rexistro Mercantil. O devandito certificado ou nota simple deberá ser expedido durante os quince días anteriores á data de solicitude do certificado de representante de persoa xurídica, prazo que comezará contado desde o día seguinte ao da data de expedición, sen computar sábados, domingos e festivos.

No suposto de representación voluntaria, ademais dun dos dous documentos recollidos  no parágrafo anterior, cumprirá presentar un poder notarial que conteña unha cláusula especial para solicitar certificado electrónico de representante de persoa xurídica.

O poder dos representantes voluntarios, só se entenderá que é suficiente para os efectos da expedición do certificado de representante de Persoa xurídica cando conteña unha cláusula especial e expresa de apoderamento para a obtención do certificado.

A persoa física solicitante do certificado, para os efectos da súa identificación, deberá comparecerse en calquera oficina de acreditación, e acreditarase mediante Documento Nacional de Identidade. Poderá prescindirse da comparecencia se a súa sinatura na solicitude do Certificado Electrónico de representante  de persoa xurídica foi lexitimada en presenza notarial.

Certificación electrónica de representante para administradores únicos e solidarios:

A certificación electrónica expedida pola FNMT -RCM de representante para administradores únicos e solidarios vincula a un asinante  cuns datos de verificación de sinatura e confirma a súa identidade. O asinante actúa en representación dunha persoa xurídica en calidade de representante legal co seu cargo de administrador único ou solidario inscrito no Rexistro Mercantil.

A vantaxe ou facilidade que ofrece esta modalidade de certificados é que se o representante legal, administrador único ou solidario, dispón dun certificado de persoa física da FNMT -RCM ou un DNIE, pódese obter o certificado de administrador único ou solidario sen ter que comparecerse nunha oficina de rexistro, identificandose a través de Internet (desde que o certificado da persoa física non proveña dunha renovación). En calquera caso, xa non cómpre ir ao rexistro mercantil para a acreditación das facultades de representación, reducindo o número de viaxes/trámites que se necesitan para obter o certificado.

Certificados electrónicos de representante de entidade sen personalidade xurídica:

Para os certificados electrónicos de representante de entidade sen personalidade xurídica emitidos pola Fábrica Nacional de Moeda e Timbre (FNMT), o solicitante (este certificado só pode obterse con certificado electrónico do administrador único)  deberá achegar a seguinte documentación:

A. Documentación relativa á entidade:

• As entidades que deban inscribirse nun rexistro público ou especial presentarán,  ademais da solicitude, o certificado ou nota simple acreditativa da súa inscrición no rexistro, expedido na data de solicitude ou nos quince días anteriores. En particular achegaranse os seguintes documentos:

  • Fondos de investimento, fondos de capital-risco, fondos de regulación do mercado de títulos hipotecarios, fondos de titulización hipotecaria, fondos de titulización de activos, fondos de garantía de investimentos e fondos de pensións: certificado de inscrición no rexistro correspondente do Ministerio que ostenta estas competencias ou da Comisión Nacional do Mercado de Valores en que conste a identificación da identidade xestora do fondo.

  • Comunidades titulares de montes veciñais en man común: certificado de inscrición dos estatutos no rexistro do Ministerio que ostenta estas competencias ou, se é o caso, do rexistro correspondente da Comunidade Autónoma.

  • Unións temporais de empresas acollidas ao seu réxime fiscal especial: certificado de inscrición  no rexistro especial de unións temporais de empresas. Non será necesaria a achega desta documentación cando a Axencia Estatal de Administración Tributaria interveña como autoridade de identificación e rexistro na emisión do certificado electrónico.

• As entidades que non deban estar inscritas nalgún rexistro público ou especial presentarán, xunto coa solicitude, as escrituras públicas, contratos, estatutos, pactos ou calquera outros documentos que poidan acreditar a súa constitución, vixencia e identificación dos membros que as integran. 

B. Documentación relativa ao representante:

• A representación da entidade acreditarase mediante os certificados ou notas simples dos rexistros públicos ou especiais en que a entidade deba estar inscrita (sempre que conste a identificación do representante), mediante os documentos notariais que acrediten as facultades de representación do solicitante do certificado, ou mediante poder especial outorgado para ese fin. Os certificados ou notas simples deberán ser expedidos na data de solicitude ou nos quince días anteriores.

• A representación da entidade tamén se poderá xustificar cos documentos privados de designación de representante que proceda en cada caso. En particular, poderá acreditarse a representación mediante os seguintes documentos:

  • Documento de designación do representante da herdanza xacente, subscrito por todos os herdeiros, con expresión do nome, apelidos e DNI ou número de pasaporte do representante, cando non fose designado administrador xudicial ou albacea con plenas facultades de administración.

  • Copia da Acta da reunión da Xunta de Propietarios en que se nomeou ao presidente da Comunidade, tratandose de comunidades en réxime de propiedade horizontal.

  • Documento subscrito por un número de membros que resulte suficiente conforme ao previsto no artigo 398 do Código Civil para representar a maioría dos intereses da entidade, tratandose de comunidades de bens e sociedades civís sen personalidade xurídica, en que se designa á persoa que a representa para solicitar o certificado.

Cando ostente a representación da entidade sen personalidade xurídica unha persoa xurídica, o solicitante deberá acreditar as súas facultades de administrador ou representante legal da mesma, ou dispor dun poder especial para a solicitude do certificado de representante de entidade sen personalidade xurídica xestionada pola súa representada.