11.2 Notificacións electrónicas obrigatorias-NEO-
Teñen obriga de recibir por medios electrónicos as comunicacións e notificacións que efectúe a Axencia Tributaria nas súas actuacións e procedementos tributarios, aduaneiros e estatísticos de comercio exterior e na xestión recadadora dos recursos doutros Entes e Administracións Públicas que ten atribuída ou encomendada, as persoas e entidades ás que se refire o art. 14.2 da Lei 39/2015, así como os representantes aduaneiros, as persoas físicas inscritas na REDEME e as persoas físicas inscritas no Rexistro de Grandes Empresas (art. 4 do RD 1363/2010, do 29 de outubro). De acordo con iso, están obrigados, entre outros:
-
Sociedades anónimas e de responsabilidade limitada.
-
Persoas xurídicas e Entidades sen Personalidade Xurídica (comunidades de bens, herdanzas xacentes e comunidades de propietarios).
-
Establecementos permanentes e sucursais de entidades non residentes en territorio español.
-
Entidades cuxo NIF empece pola letra “V” e corresponda cun dos seguintes tipos: Agrupación de interese económico, Agrupación de interese económico europea, Fondo de Pensións, Fondo de capital risco, Fondo de investimentos, Fondo de titulización de activos, Fondo de regularización do mercado hipotecario, Fondo de titulización hipotecaria, Fondo de garantía de investimentos.
-
Unións temporais de empresas.
-
Contribuíntes inscritos no Rexistro de grandes empresas.
-
Contribuíntes que tributen no réxime de consolidación fiscal do IS.
- Contribuíntes que tributen no réxime especial do grupo de entidades do IVE .
-
Contribuíntes inscritos na REDEME.
-
Contribuíntes con autorización para a presentación de declaracións aduaneiras mediante o sistema de transmisión electrónica de datos (EDI).
Os obrigados a recibir comunicacións e notificacións que efectúe a Axencia Tributaria están subscritos automaticamente a todos eles. A alta é automática.
O acceso ás notificacións electrónicas pode realizarse na DEHú ou, na Sede electrónica da AEAT, directamente polo obrigado tributario para recibir notificacións procedentes da AEAT.
Os contribuíntes poderán acceder ás súas notificacións pendentes durante un período de 10 días naturais. Transcorrido o devandito prazo sen acceder ás mesmas, producirase a súa expiración, considerandose a notificación realizada para os efectos do procedemento.