15. Ferramentas de asistencia dixital

A sede electrónica da AEAT incorpora un conxunto de ferramentas de asistencia virtual de Renda, Censos, IVE, SII, Non residentes, Recadación e Aduanas e Impostos Especiais.

Trátase de novos servizos postos a disposición dos cidadáns que permiten realizar as súas consultas 24h ao día 365 días ao ano. Todo iso sen necesidade de ter que desprazarse nin contactar coas oficinas da Axencia Tributaria.

Ligazón ás ferramentas de asistencia virtual

Os asistentes virtuais e os informadores permiten preguntar aos especialistas da Administración Dixital Integral (ADI) a través de chat en horario de 9 a 19h. A contestación é inmediata e complementará a información obtida nas ferramentas. Para acceder ao chat, unha vez obtida a resposta do asistente / informador, contestarase “Non” ou “Si, pero quero información adicional personalizada” á pregunta Obtivo a información que necesitaba?

Para cuestións que requiran un maior análise, o servizo ‘Informa+’ permite se se está debidamente identificado, con Cl@ve, certificado electrónico ou apoderamento, realizar solicitudes de información tributaria por escrito á Axencia Tributaria en materia de IVE, SII, Censos, IAE e Imposto sobre a Renda de non Residentes. A contestación estará dispoñible nos “meus “Expedientes” na sede electrónica da Axencia Tributaria, tras o envío dun aviso ao móbil ou correo electrónico do consultante .

Por último, se a resposta obtida dos asistentes virtuais / informadores contén a información necesaria, en caso de dispor de Cl@ve ou certificado electrónico e indicando un enderezo de correo electrónico, poderá obterse unha copia por escrito personalizada da conversación mantida.