6.1.1.2 Documentos de circulación

Nos Impostos Especiais de Fabricación esíxese un documento de circulación para amparar o movemento físico, así como a tenza, de produtos con fins comerciais.

Cando o imposto especial se devindicou a tipo pleno (sen beneficio fiscal) o documento comercial utilizado habitualmente pola empresa expedidora – factura, albará, etc.- terá a consideración de documento de circulación para os efectos dos Impostos Especiais.

Cando resulta aplicable algún beneficio fiscal (exencións ou tipos impositivos reducidos) así como cando se difire a devindicación do imposto (réxime suspensivo), con carácter xeral utilízase o documento administrativo electrónico, a formalizar polo expedidor na Sede Electrónica da Axencia Tributaria, debendo o destinatario formalizar a súa recepción, igualmente, na Sede Electrónica da Axencia Tributaria, se está incluído no censo CAE.

Adicionalmente, cando se trate de bebidas derivadas e de cigarros que circulen, fóra do réxime suspensivo, cun destino dentro do ámbito territorial interno que non sexa unha planta embotelladora ou envasadora independente, deberán conterse en recipientes ou envases provistos dunha precinta de circulación ou outra marca fiscal, nas condicións previstas no artigo 26 do Regulamento dos Impostos Especiais.