e.6 Finalización do procedemento

Unha vez emitida a decisión arbitral, as autoridades competentes deben acadar un acordo que finalice o procedemento amigable.

Tanto se o procedemento se tramita en virtude do Convenio de Arbitraxe coma se o fai en virtude do mecanismo establecido na Directiva, as autoridades competentes poderán acadar un acordo que se separe da decisión arbitral no prazo de seis meses desde que esta lles sexa notificada, pero se, transcorrido este prazo, non acadaron o devandito acordo, quedarán vinculadas polo ditame da comisión (artigos 33 e 54.2 do Regulamento de procedementos amigables e artigo 12.1 do Convenio de Arbitraxe).

No caso dos procedementos tramitados en virtude dun Convenio fiscal, deberá atenderse ao que se establece no Convenio fiscal aplicable.