d. Carta de peche á outra autoridade competente

Con carácter xeral, a autoridade competente española, unha vez teña coñecemento da aceptación do obrigado tributario español afectado polo acordo e, se é o caso, da renuncia deste ao seu dereito a recorrer ou da desistencia dos recursos iniciados, remitirá unha carta de peche á outra autoridade competente.

Na mesma detallarase o acordo acadado, así como a aceptación do mesmo polos obrigados tributarios afectados. Así mesmo, na devandita carta indicarase que o acordo non ten a consideración de precedente con respecto doutros axustes ou asuntos que poidan xurdir no futuro ou sobre discusións entre as autoridades competentes relativas aos mesmos asuntos ou similares con respecto a obrigados tributarios diferentes.