Cadro resumo das regras especiais

Regras especiais (cadro resumo)
Tipo de operación	Valoración da ganancia ou perda
Valores cotizados	A ganancia ou perda virá determinada pola diferenza entre o valor de adquisición e o valor de transmisión, determinado este pola cotización na data de transmisión ou o prezo pactado cando fose superior. O valor de adquisición minorarase no importe obtido polas transmisións de dereitos de subscrición realizadas con anterioridade a 1 de xaneiro de 2017, con excepción do importe de tales dereitos que tivese tributado como ganancia patrimonial.
Valores non cotizados Accións e participacións nos fondos propios de sociedades que non cotizan en bolsas españolas	A ganancia ou perda virá determinada pola diferenza entre o valor de adquisición e o valor de transmisión, sendo este último: O importe efectivamente satisfeito (sempre que se probe que é o valor que se establecería para esa operación entre partes independentes en condicións normais de mercado). Noutro caso, non poderá ser inferior ao maior de: O valor do patrimonio neto que corresponda aos valores transmitidos resultante do último balance da entidade pechado con anterioridade á data de devindicación deste imposto. O valor resultante de capitalizar ao 20 por 100 a media dos beneficios dos tres últimos exercicios sociais pechados con anterioridade á data de devindicación deste imposto.
Accións totalmente liberadas	O valor de adquisición da acción transmitida e das orixinarias será o resultado de repartir o custo de adquisición total entre todas as accións, tanto antigas coma liberadas.
Transmisión de dereitos de subscrición preferente que procedan de accións ou participacións en sociedades das que sexa titular o contribuínte	O importe obtido pola transmisión de dereitos de subscrición derivados de valores non admitidos a negoción e dende 1 de xaneiro de 2017 dos admitidos a negociación ten a consideración de ganancia patrimonial para o transmitente no período impositivo en que se produza a citada transmisión. A retención a practicar sobre as ganancias patrimoniais derivadas da transmisión de dereitos de subscrición é o 19 por 100.
Fondos de investimento	A ganancia ou perda virá determinada pola diferenza entre o valor de adquisición e o valor de transmisión, sendo este último, O valor liquidativo e, se non existe O valor do patrimonio neto que corresponda ás accións ou participacións transmitidas resultante do último balance pechado (no caso de reembolso de participacións). Cando se transmita (traspaso total ou parcial) o investimento efectuado nun fondo a outro fondo non se computará nese momento a ganancia ou perda patrimonial obtida, e as novas accións ou participacións conservarán o valor e a data de adquisición das traspasadas. Aplícase aos fondos de investimento españois e aos constituídos noutro país comunitario rexistrados en CNMV. Non se aplica a fondos de investimento cotizados ou de accións de SICAV índice cotizadas e cando se poña a disposición do contribuínte o importe do reembolso ou transmisión.
Achegas non monetarias a sociedades	A ganancia ou perda virá determinada pola diferenza entre o valor de adquisición e o valor de transmisión, sendo este último o maior de: Valor nominal das accións ou participacións sociais recibidas. Valor de cotización dos títulos recibidos. Valor de mercado do ben ou dereito achegado. Réxime especial de diferimiento fiscal para determinadas achegas.
Separación de socios ou disolución de sociedades	A ganancia ou perda virá determinada pola diferenza entre: O valor da cota de liquidación social ou o valor de mercado dos bens recibidos, e O valor de adquisición do título ou participación de capital que corresponda.
Escisión, fusión ou absorción de sociedades	A ganancia ou perda patrimonial virá determinada pola diferenza entre: O valor de adquisición dos títulos, dereitos ou valores representativos da participación do socio, e O valor de mercado dos títulos, numerario ou dereitos recibidos ou o valor de mercado dos entregados. Réxime especial de diferimiento fiscal en determinados casos.
Traspasos	A ganancia patrimonial computarase o cedente polo importe que lle corresponda no traspaso.
Indemnizacións ou capitais asegurados por perdas ou sinistros en elementos patrimoniais	A ganancia ou perda virá determinada pola diferenza entre a cantidade percibida, ou o valor de mercado dos bens, dereitos ou servizos recibidos (se a indemnización non é en metálico) e a parte proporcional do valor de adquisición que corresponda ao dano. Cando unicamente se cubra a reparación do dano, non se computará para efectos fiscais ganancia patrimonial ningunha.
Permuta de bens ou dereitos, incluído o troco de valores	A ganancia ou perda patrimonial virá determinada pola diferenza entre o valor de adquisición e o de transmisión, sendo este o maior dos dous seguintes: O valor de mercado do ben ou dereito entregado. O valor de mercado do ben ou dereito que se recibe a cambio. Caso especial:permuta de terreo por pisos ou locais a construír neste.Réxime especial de diferimiento fiscal no troco de accións en determinados casos.
Extinción de rendas vitalicias ou temporais	Para o obrigado ao pagamento de rendas a diferenza entre o valor de adquisición do capital recibido (en bens mobles ou inmobles) e as rendas satisfeitas.
Transmisión de elementos patrimoniais a cambio de rendas vitalicias ou temporais	A ganancia ou perda patrimonial virá determinada pola diferenza entre: O valor actual financeiro actuarial da renda. O valor de adquisición do elemento patrimonial transmitido.
Transmisión ou extinción de dereitos reais de gozo ou desfrute sobre inmobles	A ganancia ou perda patrimonial virá determinada pola diferenza entre: O valor de transmisión (que no caso de extinción do dereito é cero). O valor de adquisición que debe minorase nas amortizacións deducidas se o dereito estivo arrendado. Se o dereito está constituído sobre inmobles que non xeren rendementos do capital inmobiliario, o dereito consúmese polo uso, polo que o valor de adquisición deberá minorarse proporcionalmente ao tempo de uso.
Incorporación de bens e dereitos que non deriven de transmisión	Computarase como ganancia patrimonial o valor de mercado daqueles.
Futuros e opcións	É ganancia ou perda patrimonial o rendemento obtido cando non se trate dunha operación de cobertura de riscos no desenvolvemento da actividade económica.
Elementos patrimoniais afectos á actividade ou desafectados con menos de tres anos de antelación	A ganancia ou perda patrimonial virá determinada pola diferenza entre: O valor de transmisión. O valor contable do elemento patrimonial que virá determinado por: Valor de adquisición (ou custo de produción ou valor de afectación) máis:Melloras menos:Amortizacións + alienacións previas + perdas Os coeficientes redutores do réxime transitorio non resultan aplicables ás ganancias patrimoniais obtidas.