Saltar ao contido principal
Manual práctico de Renda 2020

Por doazóns, cesións de uso ou contratos de comodato e convenios de colaboración empresarial, relativos ao mecenado cultural, científico e de desenvolvemento tecnolóxico, e ao consumo cultural

Normativa:Art.º 5 bis do Texto Refundido das Disposicións Legais da Comunidade Autónoma das Illes Balears en materia de Tributos Cedidos polo Estado, aprobado por Decreto Lexislativo 1/2014, do 6 de xuño.

Contía e límite máximo da dedución

  • O 15 por 100 das contías en que se valoren as doazóns, as cesións de uso ou os contratos de comodato, e das contías satisfeitas en virtude de convenios de colaboración empresarial efectuados de acordo co que dispón a Lei 3/2015, do 23 de marzo, pola que se regula o consumo cultural e o mecenado cultural, científico e de desenvolvemento tecnolóxico, e establécense medidas tributarias.

    Neste caso o límite da dedución aplicable é de 600 euros anuais, tanto en tributación individual coma en conxunta.

    O límite de 600 euros anuais é único e global para o conxunto de doazóns, as cesións de uso ou os contratos de comodato, e contías satisfeitas en virtude de convenios de colaboración empresarial que dean dereito á dedución.

  • O 25 por 100 das contías das doazóns monetarias ou do valor das doazóns, das cesións de uso ou contratos de comodato e dos convenios de colaboración empresarial a que se refire o artigo 3 da mencionada Lei 3/2015, cando:

    1. O beneficiario do mecenado sexa a Administración da comunidade autónoma das Illes Balears e os organismos autónomos, as fundacións, as entidades públicas empresariais, as sociedades mercantís públicas e os consorcios que delas dependen a que fai referencia a letra b) do artigo 4.1 da mesma Lei 3/2015 e
    2. O proxecto ou a actividade cultural obxecto do mecenado constitúa un proxecto propio da Administración da comunidade autónoma ou das súas entidades instrumentais.

    Nestes casos o límite da dedución aplicable é de 1.200 euros anuais, tanto en tributación individual coma en conxunta.

Requisitos e outras condicións para a aplicación da dedución

  • En caso de que a cesión de uso ou o contrato de comodato teñan unha duración inferior a un ano, se debera ratear con base nos seguintes criterios

    1. No caso de cesións de uso ou contratos de comodato inferiores a un ano, atendendo o disposto no artigo 11 da Lei 3/2015, do 23 de marzo, pola que se regula o consumo cultural e o mecenado cultural, científico e de desenvolvemento tecnolóxico e se establecen medidas tributarias, hai un dobre rateo:

      1º Da base a dedución.

      Esta base será o importe anual que resulte de aplicar, en cada un dos períodos impositivos de duración da cesión de uso ou contrato de comodato, o 4 por 100 á valoración do ben efectuada pola Comisión de Valoración do Patrimonio Histórico e se se trate de locais para a realización de proxectos ou actividades científicos ou de desenvolvemento tecnolóxico, o 4 por 100 ao valor catastral, En ambos os dous casos a base determinásese proporcionalmente ao número de días de duración, no período impositivo, da cesión de uso ou contrato de comodato.

      2º Do límite da dedución. O limite máximo (600 ou 1.200 euros anuais) débese ratear en función do número de días do período anual.

    2. O caso de períodos impositivos inferiores ao ano como consecuencia do falecemento do contribuínte, o rateo en cesións de uso ou contratos de comodato inferiores a un ano hai que realizalo en función da proporción que represente a duración do contrato con respecto a 365 días.

      Noutro caso, isto é, en cesións de uso ou contratos de comodato que non sexan inferiores a un ano non hai que ratear a dedución polo feito de que contribuínte faleza antes do 31 de decembro.

  • Se a duración da cesión de uso ou o contrato de comodato é superior a un ano, a dedución non se pode aplicar a máis de tres exercicios.

  • No caso das doazóns, cesións de uso ou contratos de comodato e convenios de colaboración empresarial, relativos ao mecenado cultural, científico e de desenvolvemento tecnolóxico e ao consumo cultural, aos que se aplica a dedución do 15 por 100esíxese que a suma da base impoñible xeral e do aforro do contribuínte, casas [0435] y [0460] da declaración, non supere as seguintes contías:

    • - 12.500 euros en tributación individual.
    • - 25.000 euros en tributación conxunta.

    Atención:nos casos en que sexa de aplicación a dedución do 25 por 100 non serán aplicables os límites relativos á base impoñible que acabamos de comentar.