1.Por coeficientes de amortización lineal

Normativa:Arts.12.1.a) da LIS e 4 do Regulamento do IS

Será o resultado de aplicar os coeficientes de amortización lineal que establece, a partir de 1 de xaneiro de 2015.a seguinte táboa de amortización:

Réxime transitorio

Normativa:disposición transitoria décimo terceiro LIS

Os elementos patrimoniais para os que, en períodos impositivos iniciados con anterioridade a 1 de xaneiro de 2015, se estivesen a aplicar un coeficiente de amortización distinto ao que lles correspondese por aplicación da nova táboa de amortización prevista no artigo 12.1 do LIS, amortizaranse durante os períodos impositivos que resten ata completar a súa nova vida útil, de acordo coa referida táboa, sobre o valor neto fiscal do ben existente ao inicio do primeiro período impositivo que comece a partir de 1 de xaneiro de 2015.

Así mesmo, aqueles contribuíntes que estivesen a aplicar un método de amortización distinto ao resultante de aplicar os coeficientes de amortización lineal en períodos impositivos iniciados con anterioridade a 1 de xaneiro de 2015 e, en aplicación da táboa de amortización prevista nesta Lei corresponderlles un prazo de amortización distinto, poderán optar por aplicar o método de amortización lineal no período que reste ata finalizar a súa nova vida útil, sobre o valor neto fiscal existente ao inicio do primeiro período impositivo que comece a partir de 1 de xaneiro de 2015.

Finalmente, para as adquisicións de activos novos realizadas entre o 1 de xaneiro de 2003 e o 31 de decembro de 2004 aplicaranse os coeficientes de amortización lineal máximos previstos nesta Lei, multiplicados por 1,1.