Modelo especial de declaración no IRPF

Os contribuíntes que opten por este réxime especial estarán obrigados a presentar e subscribir o modelo de declaración especial 151, aprobado na citada Orde HFP/1338/2023, do 13 de decembro (BOE do 15 de decembro), no lugar e prazo establecido, con carácter xeral, para a presentación das declaracións do IRPF sen prexuízo do prazo especificamente establecido no artigo 4.2 da citada Orde HFP/1338/2023 para a domiciliación bancaria do pagamento das débedas tributarias resultantes das declaracións.

Atendendo aos especiais requisitos esixidos para poder aplicar este réxime fiscal especial polos traballadores desprazados, teletraballadores, profesionais altamente cualificados, persoas que realizan actividades de formación, investigación, desenvolvemento e innovación e emprendedores, a vía de presentación deste modelo será electrónica. 

Os contribuíntes do IRPF que opten pola aplicación deste réxime especial poderán solicitar o certificado de residencia fiscal en España regulada na disposición adicional segunda da Orde HAC/3626/2003, do 23 de decembro (BOE do 30 de decembro), que figura no anexo 9 da devandita Orde.