a) Contía e límites da dedución

Normativa: número 13 da disposición adicional septuaxésima. Catro Lei 31/2022, do 23 de decembro, de Orzamentos Xerais do Estado para o ano 2023

Contía da dedución

Os contribuíntes do IRPF que desenvolvan actividades económicas en estimación directa terán dereito a unha dedución na súa cota íntegra polos rendementos netos de explotación que se destinen á reserva para investimentos, desde que estes proveñan de actividades económicas realizadas mediante establecementos situados nas Illes Balears.

A contía desta dedución é variable e determínase aplicando o tipo medio de gravame (suma dos tipos medios de gravame xeral e autonómico, recadros [0534] e [0535] da declaración) ás dotacións dos rendementos netos de explotación do exercicio que se destinen á reserva para investimentos nas Illes Balears.

Límites da dedución

O importe desta dedución non poderá exceder do 80 por 100 da parte da cota íntegra que proporcionalmente corresponda á contía dos rendementos netos de explotación que proveñan de establecementos situados nas Illes Balears, sempre que non se superen os límites establecidos no Ordenamento comunitario que, en cada caso, resulten de aplicación e que se indican no cadro sobre os límites de axudas a mínimis, que son aplicables aos beneficios fiscais do Réxime fiscal especial das Illes Balears e recóllense no apartado 3.

En tributación conxunta o límite máximo da dedución aplícase individualmente a cada un do cónxuxes , se ambos os dous tivesen dereito á dedución, sen que como resultado desta aplicación poida resultar unha dedución superior ao 80 por 100 da cota íntegra.