Por nacemento ou adopción do terceiro fillo ou sucesivos
Normativa: Arts. 110-2, 160-1 e 160-2.1 Texto Refundido das disposicións ditadas pola Comunidade Autónoma de Aragón en materia de tributos cedidos, aprobado por Decreto Lexislativo 1/2005, do 26 de setembro
A. En réxime xeral
Contías da dedución
-
500 euros, con carácter xeral, por cada fillo nado ou adoptado durante o período impositivo que sexa o terceiro fillo ou sucesivos do contribuínte.
-
600 euros por cada un dos fillos citados anteriormente, cando, ademais, a suma das bases impoñibles xerais e do aforro, recadros [0435] e [0460] da declaración , menos o mínimo do contribuínte e o mínimo por descendentes, suma dos recadros [0511] e [0513] da declaración, non sexa superior a:
Ambas as dúas contías son incompatibles entre si.
Requisitos e outras condicións para a aplicación da dedución
-
A dedución unicamente poderá aplicarse no período impositivo en que se produza o nacemento ou a adopción.
-
A dedución corresponderá ao contribuínte con quen conviva o fillo nado ou adoptado á data de devindicación do imposto (normalmente, o 31 de decembro).
-
Cando os fillos que dean dereito á dedución convivan con máis dun contribuínte , o importe da dedución ratearase por partes iguais.
B. En aplicación do réxime de fiscalidade diferenciada (incompatible co réxime xeral)
Contías da dedución
-
600 euros, con carácter xeral, por cada fillo nado ou adoptado durante o período impositivo que sexa o terceiro fillo ou sucesivos do contribuínte.
-
720 euros por cada un dos fillos citados anteriormente, cando, ademais, a suma das bases impoñibles xerais e do aforro , recadros [0435] e [0460] da declaración, menos o mínimo do contribuínte e o mínimo por descendentes, suma dos recadros [0511] e [0513] da declaración, non sexa superior a :
Ambas as dúas contías son incompatibles entre si.
Requisitos e outras condicións para a aplicación da dedución
Os contribuíntes deberán cumprir os mesmos requisitos que no réxime xeral e, ademais, os seguintes:
-
O réxime de fiscalidade diferenciada resulta aplicable aos contribuíntes que residan en asentamentos rurais con alto risco ou con risco extremo de despoboamento (Rangos VIII, IX e X), sempre que, ademais, teñan un Índice Sintético de Desenvolvemento Territorial (ISDT) inferior a 100.
Pode consultar a relación de asentamentos rurais para os efectos do réxime especial de fiscalidade diferenciada na seguinte ligazón:
-
Só poden acollerse a este réxime especial de fiscalidade diferenciada os contribuíntes que teñan a súa residencia habitual, durante o ano natural en que se devindique a correspondente obriga tributaria e nos catro seguintes, nalgún dos asentamentos rurais con alto risco ou con risco extremo de despoboamento que antes se indicaron. No suposto dun matrimonio que opte pola tributación conxunta, este requisito entenderase cumprido cando esta circunstancia concorra en calquera do cónxuxes.