Por residencia en determinados municipios

Normativa: Arts.  160-1 e 160-2.8 Texto Refundido das disposicións ditadas pola  Comunidade Autónoma de Aragón en materia de tributos cedidos, aprobado por Decreto  Lexislativo 1/2005, do 26 de setembro

Contía da dedución

600 euros, sempre que se cumpran todos os requisitos e condicións que se detallan a continuación.

No suposto de tributación conxunta, a contía da dedución será aplicable por cada un dos contribuíntes que cumpra os requisitos establecidos.

Requisitos e outras condicións para a aplicación da dedución

• Que a suma das bases liquidables xerais e do aforro, recadros [0500] e [0510] da declaración, sexa inferior a:

  • - 35.000 euros, en declaracións individuais,

  • - 50.000 euros, en declaracións conxuntas.

• Que a base impoñible do aforro, recadro [0460] da declaración, sexa cal for a modalidade de declaración, non supere os 4.000 euros.

• Que teña a súa residencia habitual, durante o ano natural en que se devindique a correspondente obriga tributaria e nos catro seguintes, nalgún dos asentamentos rurais en risco extremo de despoboamento, que inclúen aos asentamentos que pertencen ao Rango X da estrutura do sistema de asentamentos de Aragón.