Polo nacemento ou adopción dun fillo

Normativa: Art. 1.3 Lei 21/2001, do 28 de decembro, de medidas fiscais e administrativas, da Comunidade Autónoma de Cataluña

(*) Este artigo foi modificado polo artigo 39 da Lei 2/2021, do 29 de decembro, de medidas fiscais, financeiras, administrativas e do sector público (DOGC 31-12-2021- BOE 21-01-2022)

Contía da dedución

Polo nacemento ou adopción dun fillo durante o período impositivo:

150 euros na declaración individual de cada un dos proxenitores.
300 euros en caso de declaración conxunta de ambos os dous proxenitores.
300 euros en caso de declaración do proxenitor ou proxenitora dunha familia monoparental.

De acordo co artigo 4 do Decreto 151/2009, do 29 de setembro, de desenvolvemento parcial da Lei 18/2003, do 4 de xullo, de apoio ás familias (DOGC 01-10-2009) considéranse familias monoparentais:

As familias monoparentais son aquelas que están formadas por un ou máis fillos ou fillas que cumpren os requisitos establecidos no apartado 3 do artigo 4 e que conviven e dependen economicamente dunha soa persoa.
Considéranse, en todo caso, familias monoparentais as seguintes:
1. Aquela en que o pai ou a nai, con fillos ou fillas a cargo, convive ao mesmo tempo con outra persoa ou persoas e non ten relación matrimonial ou de unión estable de parella con ningunha delas , de acordo coa lexislación civil catalá.
2. Aquela constituída por unha persoa viúva ou en situación equiparada, con fillos ou fillas que dependan economicamente dela , sen que a este efecto se teña en conta a percepción de pensións de viuvez ou orfandade).
3. Aquela en que a persoa proxenitora que ten a tutela dos fillos ou fillas non percibe pensión polos alimentos deles ou elas establecida xudicialmente ou, aínda percibindoa, esta é inferior á metade do importe do indicador de renda de suficiencia de Cataluña (IRSC) vixente mensual por cada fillo ou filla.
4. Aquela en que a persoa proxenitora con fillos ou fillas a cargo sufriu violencia de acordo coa Lei 5/2008, do 24 de abril, do dereito das mulleres a erradicar a violencia machista, por parte da outra persoa proxenitora ou convivente.
5. Aquela en que a persoa proxenitora con fillos ou fillas a cargo sufriu abandono de familia por parte da outra persoa proxenitora ou convivente.
6. Aquela en que unha das persoas proxenitoras conviventes estivese durante un período igual ou superior a un ano en situación de privación de liberdade, hospitalización ou outras causas similares.

De acordo co artigo 4.5 do Decreto 151/2009 unha familia monoparental perde esta condición, no momento en que a persoa que encabeza a devandita unidade familiar contraia matrimonio con outra persoa ou constitúa unha unión estable de parella de acordo coa lexislación civil catalá, ou ben cando a unidade familiar deixa de cumprir calquera das condicións establecidas no citado Decreto para ter a condición de familia monoparental.

Ademais, teñase en conta que, de acordo co artigo 6 de do Decreto 151/2009, o recoñecemento da condición de familia monoparental a aquelas familias residentes en Cataluña que reúnen os requisitos establecidos, efectúase mediante a expedición do título que o acredita.