Para compensar o incremento do custo dos préstamos ou créditos hipotecarios con tipo de xuro variable (dedución temporal)
Normativa: Art. 3 quater Texto Refundido das disposicións legais da Comunidade Autónoma das Illes Balears en materia de tributos cedidos polo Estado, aprobado por Decreto Lexislativo 1/2014, do 6 de xuño
Atención : inicialmente limitada aos exercicios 2022 e 2023, a aplicación desta dedución foi prorrogada ata o exercicio 2024.
Contía e límite da dedución
-
O importe da dedución é a diferenza entre os intereses abonados polos contribuíntes o ano correspondente á liquidación do imposto (2023) e os intereses abonados en 2021 en contratos que cumpran os requisitos que se indican no seguinte apartado.
-
Límite máximo da dedución: 400 euros por contribuínte.
Atención : para contribuíntes falecidos antes do 26 de novembro de 2023 o límite anterior será de 250 euros.
Requisitos para a aplicación da dedución
-
Ten que tratarse de intereses abonados polos contribuíntes en contratos de préstamos ou créditos con garantía hipotecaria e con tipo de xuro variable subscritos para o financiamento da adquisición de vivenda.
-
O inmoble para cuxa adquisición se constituíse a hipoteca será a vivenda habitual do contribuínte.
Outras condicións para a aplicación da dedución
-
O incremento do custo (diferenza entre os intereses abonados polos contribuíntes no ano 2023 respecto dos abonados no ano 2021) debe xustificarse mediante un certificado bancario, o cal debe manterse a disposición da administración tributaria.
-
Que a suma da base impoñible xeral e a base impoñible do aforro do contribuínte, recadros [0435] e [0460] da declaración , non supere as seguintes contías:
-
Para aplicar desta dedución esíxese xustificación documental, mediante as facturas ou documentos equivalentes correspondentes, os cales deben manterse a disposición da administración tributaria.
Ámbito temporal para a aplicación da dedución
Esta dedución resulta aplicable nos exercicios fiscais 2022, 2023 e 2024.
Incompatibilidade
Esta dedución é incompatible coa dedución estatal "Por investimento en vivenda habitual" á que fai referencia a disposición transitoria décimo oitava da Lei do IRPF.