Por nacemento

Normativa: Art. 6 ter Texto Refundido das disposicións legais da Comunidade Autónoma das Illes Balears en materia de tributos cedidos polo Estado, aprobado por Decreto Lexislativo 1/2014, do 6 de xuño

Atención :  esta dedución non resulta aplicable a contribuíntes falecidos antes do 26 de novembro de 2023.

Contía da dedución

• 800 euros polo primeiro fillo ou filla.

• 1.000 euros polo segundo fillo ou filla.

• 1.200 euros polo terceiro fillo ou filla.

• 1.400 euros polo cuarto fillo ou filla e seguintes.

Para os efectos de determinar o dereito a esta dedución e o número de orde do fillo nado, teran en contase os fillos que convivan co contribuínte e para os que se poida aplicar o mínimo por descendentes á data de devindicación do imposto, e computaranse tanto os fillos naturais como os adoptivos.

Requisitos e outras condicións para a aplicación da dedución

• Que o contribuínte fose residente fiscal nas Illes Balears no exercicio anterior ao do nacemento.

• Que o fillo ou filla nada no período impositivo xere o dereito á aplicación do mínimo por descendentes.

• Que a suma da base impoñible xeral e a do aforro, recadros [0435] e [0460] do contribuínte, non supere os seguintes importes:

  1. En xeral:

     • - 33.000 euros en tributación individual.

     • - 52.800 euros en tributación conxunta.

  2. No suposto de familias numerosas ou familias monoparentais con dous ou máis fillos ou fillas previstas no artigo 7.7 da Lei 8/2018, do 31 de xullo, de apoio ás familias:

     • - 39.600 euros en tributación individual.

     • - 63.360 euros en tributación conxunta.

  Con esta finalidade, son familias numerosas tanto as que determina a Lei 40/2003, do 18 de novembro, de Protección ás Familias Numerosas como as familias monoparentais cun fillo con discapacidade recoñecida do   33% ou superior.

  Adicionalmente, de acordo cos apartados 1 e 2 do artigo 7 da Lei 8/2018, do 31 de xullo, de apoio ás familias:

  • - As familias monoparentais son as que están formadas por un ou máis fillos ou fillas que cumpren os requisitos establecidos no apartado 3 do citado artigo 7 da Lei 8/2018 e que dependen economicamente dunha soa persoa proxenitora, titora, acolledora ou adoptante, con quen conviven.

  • - Ademais, tamén se consideran familias monoparentais as seguintes:

    • a) A familia en que o proxenitor ou proxenitora con fillos ou fillas a cargo convive ao mesmo tempo con outra persoa ou persoas con quen non ten ningunha relación matrimonial ou unión estable de parella, de acordo coa lexislación civil.

    • b) A familia en que o proxenitor ou proxenitora que ten a garda dos fillos ou fillas non percibe ningunha pensión polos alimentos destes fillos ou fillas establecidas xudicialmente e ten interposta a correspondente denuncia ou reclamación civil ou penal.

    • c) A familia en que o proxenitor ou proxenitora con fillos ou fillas a cargo sufriu abandono de familia por parte do outro proxenitor.

• Cando concorran dous contribuíntes con dereito á dedución e non opten pola tributación conxunta, o importe ratearase entre estes a partes iguais.

• No caso de que o número de fillos de cada contribuínte dea lugar á aplicación dun importe diferente, ambos os dous aplicaranse a dedución que corresponda en función do número de fillos preexistentes. Se se dá esta circunstancia e a declaración é conxunta, a dedución será a suma de que correspondería a cada un se a declaración fóra individual.

Aboamento anticipado

Os contribuíntes con dereito á aplicación desta dedución poderán solicitar á consellaría competente en materia de facenda, nos termos que se establezan mediante unha Orde da persoa titular da citada consellaría, o aboamento anticipado desta dedución, que será, se corresponde, obxecto de regularización no momento de presentar a declaración do imposto.

Teñase en conta que en 2023 non se produciu ningún aboamento anticipado ao non ser aprobada a correspondente Orde.

Orde de aplicación e saldo pendente de aplicación

• No caso de que esta dedución concorra con outras deducións autonómicas, esta aplicarase en primeiro lugar .

• Se hai insuficiencia de cota íntegra autonómica, de xeito que non se poida aplicar esta dedución na contía total, o contribuínte poderá solicitar á consellaría competente en materia de facenda o aboamento da diferenza entre a dedución aplicada á declaración e o importe da dedución que lle corresponda, nos termos que se fixen mediante unha orde da persoa titular da citada consellaría.

• A renda imputable ao contribuínte que, se é o caso, resulte terá a consideración de prestación pública por nacemento aos efectos do artigo 7.h) da Lei do IRPF.

Incompatibilidade

Esta dedución será incompatible coa percepción de axudas e prestacións públicas concedidas ou outorgadas pola comunidade autónoma das Illes Balears por causa de nacemento.

Importante : os contribuíntes que solicitasen o aboamento anticipado da dedución deberán facero constar na súa declaración de IRPF.