Por adquisición ou adecuación da vivenda habitual para contribuíntes con discapacidade

Normativa: Art. 4 Texto Refundido das disposicións legais do Principado de Asturias en materia de tributos cedidos polo Estado, aprobado por Decreto Lexislativo 2/2014, do 22 de outubro

Contía e requisitos para a aplicación da dedución

O 3 por 100 das cantidades satisfeitas durante o exercicio na adquisición ou adecuación da vivenda que constitúa ou vaia a constituír a residencia habitual no Principado de Asturias do contribuínte cando este, o seu cónxuxe, ascendentes ou descendentes acrediten un grao de discapacidade igual ou superior ao 65 por 100.

A aplicación desta dedución é independente da dedución por investimento en vivenda habitual  prevista na disposición transitoria décimo oitava da Lei do IRPF.

Base máxima da dedución

A base da dedución está constituída polas cantidades satisfeitas durante o exercicio, cun máximo de 15.000 euros, tanto en tributación individual como en conxunta, incluíndose na mesma os importes destinados á amortización de préstamos hipotecarios.

A normativa autonómica permite así mesmo a consideración dos intereses satisfeitos como gasto do período.

Outras condicións para a aplicación da dedución

• Que o cónxuxe, ascendentes ou descendentes convivan co contribuínte durante máis de 183 días ao ano e non teñan rendas anuais, incluídas as exentas, superiores a 35.000 euros.

• Cando dous ou máis contribuíntes teñan dereito á aplicación desta dedución respecto dos mesmos ascendentes ou descendentes para un mesmo período impositivo, o seu importe ratearase entre eles por partes iguais. Non obstante, cando os contribuíntes teñan distinto grao de parentesco co ascendente ou descendente, a aplicación da dedución corresponderá aos de grao máis próximo.

• A adquisición da nova vivenda ou, se é o caso, as obras e instalacións en que a adecuación consista, deberán resultar estritamente necesarias para a accesibilidade e comunicación sensorial que faciliten o desenvolvimiento digno e axeitado das persoas con discapacidade, extremo que deberá ser acreditado ante a Administración tributaria mediante resolución ou certificado expedido pola Consellaría competente en materia de valoración de discapacidade.

Importante : cando o investimento sexa realizado polo propio contribuínte con discapacidade e por familiares que convivan con el, se o contribuínte con discapacidade aplica a dedución, os familiares non poderán aplicara con independencia da modalidade de tributación.