Aboamento anticipado da dedución por maternidade
Importante: teñase en conta que só poderá solicitarse o aboamento anticipado do importe que corresponda á dedución por maternidade sen incluír o incremento adicional por gastos de custodia en gardarías ou centros de educación infantil autorizados que se examina no apartado seguinte.
Os contribuíntes con dereito á aplicación da dedución por maternidade poden solicitar á Axencia Estatal de Administración Tributaria o seu aboamento de forma anticipada.
O aboamento da dedución de forma anticipada efectuarase, mediante transferencia bancaria, pola Axencia Estatal de Administración Tributaria mensualmente e sen rateos por un importe de 100 euros por cada fillo.
A solicitude do aboamento anticipado da dedución debe axustarse ao modelo 140 aprobado pola Orde HAC/177/2020, do 27 de febreiro.
Atención: a partir do 1 de xaneiro de 2023, a solicitude de aboamento anticipado da dedución por maternidade xa non esixe un período mínimo de cotización.