Caso b) Cobramento de prestación por desemprego desde decembro de 2022 e subsidio por maternidade do 21 de xaneiro ao 3 de febreiro

Dona M.D.Ou, que estaba percibindo a prestación de desemprego desde o 1 de decembro de 2022, solicitou antes do parto dos seus xemelgos a prestación por maternidade cuxo importe percibiu desde o 24 de xaneiro ao 15 de maio (unha vez finalizadas as 16 semanas de duración da prestación), reemprendendose despois o cobramento da prestación de desemprego pendente. Teñase en conta que a contribuínte estivo traballando desde o ano 2020 ata o 30 de novembro de 2022 para unha multinacional.

Solución:

1. Importe da dedución por maternidade

Dedución correspondente a cada un dos xemelgos:

Número de meses de cumprimento dos requisitos: 12 meses
Importe da dedución: (12 meses x 100 euros) = 1.200
Límite da dedución por fillo (1.200 euros).
Importe total da dedución correspondente aos xemelgos = 1.200 x 2 fillos = 2.400 euros

Nota: a partir do 1 de xaneiro de 2023, poden aplicar a dedución por maternidade por cada fillo ata que o menor alcance os tres anos de idade, as mulleres que teñan dereito á aplicación do mínimo por descendentes cando no momento do nacemento do menor perciban prestacións contributivas ou asistenciais do sistema de protección de desemprego.

Neste caso, a contribuínte no momento do nacemento tiña dereito á percepción da prestación de desemprego, sen prexuízo de que se suspendese o seu cobramento por ser substituída por prestación por nacemento e coidado de menor (prestación por maternidade). Mentres dure a devandita situación (percepción da prestación por nacemento e coidado de menor), non se consumen días da prestación por desemprego; o cobramento da mesma suspéndese e reempréndese unha vez finalizada aquela polo tempo que restase antes da súa suspensión.

Polo tanto, o número de meses con dereito respecto de cada fillo é 12 (xaneiro a decembro) pois no momento do seu nacemento (mes de xaneiro) a nai estaba cobrando a prestación por desemprego, polo que cumpría requisitos, e terá dereito á dedución ata que os nenos acaden a idade de 3 anos.

Dedución correspondente ao fillo maior:

Número de meses de cumprimento dos requisitos: 8 meses
Importe da dedución (8 meses x 100 euros) = 800
Límite da dedución por fillo (1.200 euros)

Nota: dona M.D.Ou terá dereito á dedución por maternidade en 2023 desde o mes de xaneiro incluído pois no momento de nacemento do seu fillo maior (exercicio 2020) estaba traballando por conta allea, de alta na Seguridade Social e con cotizacións, polo que xerou dereito á dedución por maternidade, e mánténo ata que o neno cumpra 3 anos (polo tanto, ata agosto incluído). O mesmo acontecería se estivese de alta no RETA no momento do nacemento do fillo maior.

Importe total dedución por maternidade 2023: (2.400 + 800) = 3.200

2. Incremento adicional por gastos de custodia

Incremento adicional correspondente ao fillo maior:

Número de meses de cumprimento dos requisitos: 6 meses
Importe do incremento (1.000 euros ÷ 12 meses x 6 meses) = 500

Nota: no presente caso, o incremento adicional por gastos de custodia do fillo menor de tres anos en gardarías ou centros de educación infantil autorizados pode acadar ata 1.000 euros anuais e calcularase proporcionalmente ao número de meses en que se cumpran de forma simultánea os requisitos esixidos no artigo 81.1 e 2 da Lei do IRPF. Os meses que hai que tomar en consideración son exclusivamente aqueles en que os gastos abonados se efectúen por mes completo. Polo tanto, na medida en que ten dereito á dedución por maternidade desde o mes de xaneiro, e o incremento por gasto en gardaría só se pode estender ata o mes previo ao inicio do segundo ciclo de educación infantil (setembro) computando os meses completos, só se teñen en conta 6 meses completos (de xaneiro a xuño), polo que o cálculo será 1000 euros ÷ 12 meses x 6 meses) = 500 euros.
Límite do incremento: 500 euros.
O incremento de 500 euros non supera o límite do importe total do gasto efectivo non subvencionado dos gastos de custodia: 2.290 euros.

Nota: de acordo co artigo 81 da Lei do IRPF e o artigo 60 do Regulamento do IRPF, o gasto total non subvencionado correspondente ás cantidades totais anuais (por meses completos ou incompletos) satisfeitas a gardarías ou centros de educación infantil autorizados pola preinscrición e matricula dos devanditos menores, a asistencia, en horario xeral e ampliado, e a alimentación, minorásese nas cantidades dos devanditos gastos que fosen satisfeitas polas empresas empregadoras dos beneficiarios que tivesen a consideración de rendementos do traballo en especie exenta por aplicación do que se dispón nas letras b) ou d) do apartado 3 do artigo 42 da Lei do IRPF.

Polo tanto, no presente caso os gastos de custodia serán: 300 (matrícula) + 3.000 (6 meses completos) + 250 (mes de xullo incompleto) – 700 (importe subvencionado) – 560 (80 x 7 meses, correspondente á retribución en especie exenta) = 2.290 euros.

Atención: aínda que fose pago por ambos os dous proxenitores ao 50 por 100, considerarase tanto o importe pago pola nai ou o contribuínte con dereito ao referido incremento, como o satisfeito polo outro proxenitor.

3. Resultado da declaración

Cota diferencial : 1.500

Dedución por maternidade

Importe da dedución (2.400 + 800) = 3.200
Incremento por gastos en gardarías (500) = 500

Resultado da declaración (1.500 – 3.200 − 500): −2.200