Cálculo do imposto: determinación das cotas íntegras

Gravame da base liquidable xeral

Todas as Comunidades Autónomas teñen aprobadas as súas correspondentes escalas aplicables á base liquidable xeral.

Gravame da base liquidable do aforro

Modifícase a escala de gravame da base liquidable aforro previsto nos artigos 66 e 76 da Lei do  IRPF  para introducir, tanto na escala estatal coma autonómica, un novo tramo a partir de 300.000 euros cun tipo de gravame aplicable do 14 por 100 e elevar o tipo aplicable no tramo anterior de 200.000 a 300.000 de 13 a 13,5 por 100.

Gravame aplicable a contribuíntes do IRPF residentes no estranxeiro

Introdúcese un novo tramo a partir de 300.000 euros cun tipo de gravame aplicable do 28 por 100, e elévase o tipo aplicable no tramo anterior de 200.000 a 300.000 de 26 a 27 por 100. 

Réxime fiscal especial aplicable aos traballadores desprazados a territorio español

A Lei de Orzamentos Xerais do Estado para o ano 2023 modificou o réxime especial de traballadores desprazados a territorio español, para introducir, no caso das rendas a que se refire o artigo 25.1.f) do texto refundido da Lei do Imposto sobre a Renda de non Residentes, un novo tramo a partir de 300.000 euros cun tipo de gravame aplicable do 28 por 100 e elevar o tipo aplicable no tramo anterior de 200.000 a 300.000 de 26 a 27 por 100.