Funcionamento

1.Determinación da base impoñible operación por operación

Os suxeitos pasivos que cumpran os requisitos que veremos posteriormente teñen dúas alternativas en cada unha das súas operacións:

1. Aplicar o réxime especial ás súas entregas:

   1. Nas transmisións repercutirán o IVA aplicando o tipo impositivo correspondente ao ben entregado, aplicando un procedemento especial de determinación da base impoñible.

   2. O IVA soportado nas adquisicións dos bens revendidos non é deducible, sen prexuízo da dedución das restantes cotas soportadas no exercicio da súa actividade (teléfono, alugueres, reparacións, etc.).

   3. A base impoñible será a marxe de beneficio.

2. Aplicar o réxime xeral do imposto.Sen necesidade de comunicación poden non aplicar o réxime especial nas súas entregas, o que supón que:

   1. Deben repercutir o IVA sobre a totalidade da contraprestación.

   2. Poden deducir as cotas que eventualmente tivesen soportado na adquisición dos bens revendidos, aínda que sen poder practicar a dedución ata que se devindiquen as correspondentes entregas.

2.Determinación da base impoñible de forma global.

Cando o suxeito pasivo opte pola determinación da base impoñible mediante a marxe de beneficio global, debe determinar por este procedemento a base impoñible de todas as entregas de bens a que se refire a aplicación do devandito réxime de marxe global, sen que poida aplicar o réxime xeral do imposto respecto de tales entregas.