1. Autoliquidación rectificativa

A disposición final terceira do Real decreto 117/2024, do 30 de xaneiro, incorpora ao Regulamento do Imposto sobre o Valor Engadido, un novo artigo 74 bis que introduce a autoliquidación rectificativa como a vía xeral para rectificar, completar ou modificar a autoliquidación presentada con anterioridade.

Quedan excluídas da autoliquidación rectificativa:

• As rectificacións de cotas indebidamente repercutidas a outros obrigados tributarios, cuxa eventual rectificación requirirá en todo caso a presentación dunha solicitude de rectificación de autoliquidación.

• As rectificacións de cotas correspondentes a operacións acollidas aos réximes especiais regulados no Capítulo XI do Título IX da Lei do Imposto.

No caso de rectificacións fundadas na eventual vulneración pola norma aplicada na autoliquidación previa dos preceptos doutra norma de rango superior, o suxeito pasivo poderá optar entre presentar unha autoliquidación rectificativa ou ben unha solicitude de rectificación de autoliquidación. Aínda que ambos os dous procedementos permiten a rectificación para estes supostos, só o segundo permitirá a presentación de documentación xustificativa do motivo da rectificación.

A autoliquidación rectificativa implica a introdución das seguintes modificacións no modelo 303 :

• Recadro 108. Este recadro ten por obxecto permitir a declaración de operacións que eventualmente non puidesen incluírse nos restantes recadros do modelo. A formalización deste recadro só poderá levarse a cabo en caso de autoliquidación rectificativa por discrepancia de criterio administrativo. 

• Motivos de rectificación. Incorpóranse o modelo dous motivos de rectificación:

  • Rectificacións (agás incluídas no motivo seguinte). Inclúe todos os motivos de rectificación distintos da discrepancia de criterio administrativo, tamén a rectificación por eventual vulneración dunha norma de rango superior.

  • Discrepancia criterio administrativo. Inclúe os supostos en que, non existindo vulneración de norma de rango superior, existe discrepancia na interpretación da mesma.

• Recadro 111. Ten por obxecto reflectir a parte do resultado negativo dunha autoliquidación rectificativa que corresponde ao resultado positivo da autoliquidación rectificada estea ingresado ou non. Só pode ter contido se o recadro 71 é negativa e ademais ten contido o recadro 70.

As autoliquidacións rectificativas non permitirán a presentación de documentación nin efectuar alegacións no propio modelo.

Pode consultar as particularidades das autoliquidacións rectificativas no Capítulo 8 deste Manual.