Formalización do modelo 200

Caracteres da declaración

As entidades que se acollan ao réxime tributario especial das entidades dedicadas ao arrendamento de vivenda, deberán marcar o recadro [00038] «Entidade dedicada ao arrendamento de vivendas» da páxina 1 do modelo 200.

Bonificacións na cota íntegra

As entidades que se acollan  a este réxime tributario especial e apliquen a bonificación do 40 por cento (85 por cento para os períodos impositivos iniciados antes do 1 de xaneiro de 2022) sobre a parte da cota íntegra do Imposto sobre Sociedades que corresponda ás rendas derivadas do arrendamento de vivendas, deberán consignar o devandito importe no recadro [00576] «Bonificacións entidades dedicadas ao arrendamento de vivendas (Capítulo III Título VII LIS)» da páxina 14 do modelo 200.