Formalización do modelo 200

As entidades que aplican o réxime especial de buques e entidades navieiras nas Canarias e que conforme ao que se dispón na  o  artigo 76.4 da Lei 19/1994, do 6 de xullo, non poden compensar as bases impoñibles negativas procedentes de actividades que xeran o dereito a aplicar  o réxime especial coas bases impoñibles positivas derivadas do resto de actividades nin  do exercicio en curso nin nos posteriores, na súa liquidación do Imposto sobre Sociedades deberán  analizar  as devanditas bases impoñibles da forma que se explica a continuación:

• Para o cálculo do recadro [00550] «Base impoñible antes da aplicación da reserva de capitalización e compensación de bases impoñibles negativas» da páxina 13 do modelo 200, deberán consignar no recadro [00541] a parte da base impoñible que proceda das actividades ás que se  aplica o réxime especial, e no recadro [00564] a parte que proceda do resto de actividades:

  [00550] = [00541] + [00564] 

• A formalización dos recadros [01887] e [01890] realizarase a través  do cadro de desagregación  «Réxime especial de buques e empresas navieiras nas Canarias: desagregación da compensación de bases impoñibles negativas» da páxina 15 do modelo 200:

  • Na columna «Pendente de aplicación a principio do período/xerada no período »recollerase os importes relativos á compensación de bases impoñibles negativas separando os correspondentes a actividades que aplican o réxime especial de buques e entidades navieiras nas Canarias das do resto de actividades xeradas nos períodos  2021 a 2022, pendentes de aplicación ao inicio do período impositivo.

    As filas «Compensación de base impoñible especial ano 2022 (*)» e «Compensación de base impoñible especial  resto actividades  2022 (*)» soamente deberá cubrirse se a entidade declarante ten bases impoñibles negativas por outro período impositivo iniciado tamén en 2022, pero inferior a 12 meses e previo ao período impositivo que é obxecto de declaración. No caso de entidades cuxo período impositivo non se corresponda co ano natural ou que teñan período impositivo partido, as bases impoñibles negativas de períodos anteriores pendentes de compensación deberán incluírse como procedentes do ano en que o exercicio se iniciase.

  • Na columna «Aplicada nesta liquidación »recollerase a parte (ou a totalidade se é o caso) do importe correspondente da columna «Pendente de aplicación a principio do período/xerada no período », que se aplica na liquidación do período impositivo obxecto de declaración, mantendo a separación das bases impoñibles negativas procedentes do réxime especial das do resto de actividades. O subtotal da columna «Aplicada nesta liquidación »relativa á compensación de bases impoñibles negativas procedentes das actividades que aplican o réxime especial que se recolle no recadro [01887] , trasladarase ao recadro [01887] da páxina 13 do modelo 200. Así mesmo, o  subtotal da columna «Aplicada nesta liquidación »relativa á compensación de bases impoñibles negativas procedentes do resto de actividades que se recolle no recadro [01890] , trasladarase ao recadro [01890] da páxina 13 do modelo 200.

  • Na columna «Pendente de aplicación en períodos futuros» consignarase a diferenza positiva entre o importe da compensación de bases impoñibles negativas ao inicio do período impositivo ou xeradas no devandito período da columna «Pendente de aplicación a principio do período/xerada no período », e o importe da compensación de bases impoñibles negativas aplicadas na liquidación do período impositivo obxecto de declaración da columna «Aplicado nesta liquidación », mantendo a separación das bases impoñibles negativas procedentes do réxime especial das do resto de actividades.

• Para o cálculo do recadro [00552] «Base impoñible» da páxina 13 do modelo 200, deberán consignar no recadro [01576] a parte da base impoñible que proceda das actividades ás que se aplica o réxime especial, e no recadro [01577] a parte que proceda do resto de actividades,  tendo en conta que as bases impoñibles positivas derivadas do resto de actividades do exercicio en curso non poden compensarse coa negativa que procedan das actividades ás que se aplica o réxime especial.