Concepto de cota líquida

A Lei 22/2021, do 28 de decembro, de Orzamentos Xerais do Estado para o ano 2022, con efectos para os períodos impositivos que se inicien a partir do 1 de xaneiro de 2022, engade o apartado 2 ao artigo 30 da LIS para introducir o concepto de cota líquida que se define como o resultado de aplicar sobre a cota íntegra, as bonificacións e deducións que procedan previstas na normativa do Imposto, sen que poida ser negativa.

En relación co anterior, modifícase o artigo 41 da LIS relativo á dedución das retencións, ingresos a conta e pagamentos fraccionados, para substituír a mención á cota íntegra pola de cota líquida ou cota líquida mínima, segundo corresponda.

Neste mesmo sentido, modifícase o artigo 71.1 da LIS  que regula as deducións e bonificacións da cota íntegra do grupo fiscal, para introducir a definición de  cota líquida do grupo fiscal como o resultado de minorar a cota íntegra do devandito grupo no importe das deducións e bonificacións previstas nos Capítulos II, III e IV do Título VI da LIS , así como calquera outra dedución que puidese resultar de aplicación, sen que poida ser negativa.