Recadro 00063 Tipo gravame reducido para entidades de nova creación (DT 22ª LIS)
Deberán marcar este recadro as entidades de nova creación constituídas entre o 1 de xaneiro de 2013 e o 31 de decembro de 2014, que realicen actividades económicas, e que segundo o que se establece no apartado 1 da disposición transitoria vixésimo segunda da LIS, tributan de acordo co que se establece na disposición adicional décimo novena do RDLeg. 4/2004.
Lembre:
A disposición adicional décimo novena do RDLeg . 4/2004 establecía que as entidades de nova creación, constituídas a partir do 1 de xaneiro de 2013, que realicen actividades económicas tributarán, no primeiro período impositivo en que a base impoñible resulte positiva e no seguinte (independentemente do resultado da súa base impoñible neste segundo exercicio), de acordo coa seguinte escala, agás se, de acordo co previsto no artigo 28 da devandita norma, deban tributar a un tipo inferior:
-
pola parte de base impoñible comprendida entre 0 e 300.000 euros, ao tipo do 15 por cento.
-
pola parte de base impoñible restante, ao tipo do 20 por cento.