Caracteres da declaración (páxina 1 do modelo 200)

En primeiro lugar, as entidades que apliquen o réxime especial previsto no Capítulo II do Título VII «Agrupacións de interese económico, españolas e europeas, e de unións temporais de empresas» da LIS, deberán marcar unha dos seguintes recadros da páxina 1 do modelo 200:

• Recadro [00085] Unión temporal de empresas

  Deberán marcar este recadro as  unións temporais de empresas  reguladas na Lei 18/1982, do 26 de maio, sobre réxime fiscal de agrupacións e unións temporais de empresas e de Sociedades de desenvolvemento industrial rexional, e inscritas no rexistro especial do Ministerio de Facenda, ás que se lles aplica o réxime fiscal do artigo 43 da LIS , agás en relación coa regra de valoración establecida no segundo parágrafo do apartado 4 do citado artigo.

• Recadro [00013] Agrupación de interese económico española 

  Marcarán este recadro as agrupacións de interese económico reguladas pola Lei 12/1991, do 29 de abril, de Agrupacións de Interese Económico, ás que se lles aplica o réxime especial establecido para as devanditas agrupacións no artigo 43 da LIS .

• Recadro [00014] Agrupación europea de interese económico

  Deberán marcar este recadro as agrupacións europeas de interese económico reguladas polo Regulamento (CEE ) nº 2137/1985 do Consello, do 25 de xullo de 1985, ás que se lles aplica o réxime especial establecido nos artigos 43 e 44 da LIS .

No caso de socios ou empresas membros dunha entidade sometida ao réxime tributario especial das agrupacións de interese económico, españolas ou europeas, ou das unións temporais de empresas reguladas no Capítulo II do Título VII da LIS , deberán marcar o recadro [00089] «Socio de agrupación de interese económico ou de unión temporal de empresas» da páxina 1 do modelo 200.