Cota íntegra previa

1. Tipos de gravame aplicable ás cooperativas

A cota íntegra previa (recadro [00560]) é a suma das cantidades resultantes de aplicar a cada porción da base impoñible desagregada nos resultados cooperativos e extracooperativos (recadros [00053] e [00554] da páxina 14 do modelo 200), o tipo de gravame correspondente (recadro [00558] da páxina 14 do modelo 200).

O réxime fiscal especial das cooperativas establece que as devanditas entidades deben aplicar diferentes tipos de gravame en función da súa clasificación e da natureza dos resultados:

1. Sociedades cooperativas fiscalmente protexidas

   • 20 por cento sobre a parte da base impoñible constituída polos resultados cooperativos do período impositivo (25 por cento tratandose de sociedades cooperativas de crédito e caixas rurais)

   • 25 por cento á parte da base impoñible constituída polos resultados extracooperativos do período impositivo (30 por cento tratandose de sociedades cooperativas de crédito e caixas rurais).

2. Sociedades cooperativas que de acordo ao que se dispón no artigo 13 da Lei 20/1990 non teñan a consideración de fiscalmente protexidas, tributarán ao tipo de gravame xeral do 25 por cento do Imposto sobre Sociedades, pola totalidade dos seus resultados cooperativos e extracooperativos.

A suma das cantidades resultantes de aplicar a cada porción da base impoñible desagregada nos resultados cooperativos e extracooperativos pode ser negativa, e o seu importe poderá compensarse con cotas íntegras positivas dos períodos impositivos seguintes, nos termos establecidos no artigo 24.1 e na disposición adicional oitava da Lei 20/1990.

2. Formalización do modelo 200

Tendo en conta o que se dispón neste apartado, as sociedades cooperativas deberán cubrir o recadro [00560] «Cota íntegra previa» da páxina 14 do modelo 200 da seguinte forma:

1. As sociedades cooperativas fiscalmente protexidas que teñen que aplicar a cada unha das partes da base impoñible (constituídas polos resultados cooperativos e extracooperativos, respectivamente) o correspondente tipo de gravame, deberán consignar neste recadro co seu signo, o resultado de realizar a seguinte operación:

   [00560] = [00553] x [00558]/100 + [00554] x 25%

2. As sociedades cooperativas de crédito e caixas rurais consignarán neste recadro, o resultado de realizar a seguinte operación:

   [00560] = [00553] x [00558]/100 + [00554] x 30%

   Aos únicos efectos de cubrir o recadro [00558] «Tipo de gravame» da páxina 14 do modelo 200, as sociedades cooperativas fiscalmente protexidas deberán consignar o tipo de gravame do 20 por cento que corresponde aos resultados cooperativos (25 por cento se se trata de cooperativas de crédito e caixas rurais).

3. No referente ás sociedades cooperativas que non teñan a consideración de fiscalmente protexidas, que deben aplicar á totalidade dos resultados cooperativos e extracooperativos, o tipo de gravame xeral do 25 por cento, consignarán neste recadro, o resultado de realizar a seguinte operación:

   [00560] = [00552] x 25%

   No caso das sociedades cooperativas que non teñan a consideración de fiscalmente protexidas, no recadro [00552] «Base Impoñible» da páxina 13 do modelo 200, recóllese o resultado de sumar os recadros [00553] «Resultados cooperativos» e [00554] «Resultados extracooperativos» da páxina 14 do modelo 200.

   Ademais, estas sociedades que non teñen a consideración de fiscalmente protexidas deberán ter en conta o seguinte:

   • Se aplican o tipo de gravame establecido para as entidades de nova creación no artigo 29.1 da LIS (deberán marcar previamente o recadro [00071] da páxina 1 do modelo 200), consignarán no recadro [00560] o resultado de realizar a seguinte operación:

     [00560] = [00552] x 15%

   • Se aplican o tipo de gravame establecido para as entidades de nova creación na disposición transitoria vixésimo segunda da LIS (deberán marcar previamente o recadro [00063] da páxina 1 do modelo 200), consignarán no recadro [00560] o resultado de realizar a seguinte operación:

     • Se a base impoñible do período impositivo é igual ou inferior a 300.000 euros:

       [00560] = [00552] x 15%

     • Se a base impoñible do período impositivo é superior a 300.000 euros:

       [00560] = 300.000 x 15% + ([00552] – 300.000) x 20%

     No suposto de que o período impositivo destas entidades de nova creación teña unha duración inferior ao ano , o cálculo do recadro [00560] será:

     • Se a base impoñible do período impositivo é igual ou inferior a 300.000 euros x d/365:

       [00560] = [00552] x 15%

     • Se a base impoñible do período impositivo é superior a 300.000 euros x d/365:

       [00560] = 300.000 x d/365 x 15% + ([00552] – 300.000 x d/365) x 20%

       Nota: Sendo «d» o número de días de duración do período impositivo, entendendose que cando o mesmo teña 1 ano de duración conterá, en todo caso, 365 días.

   • Se teñen a consideración de empresas emerxentes segundo o que se dispón na Lei 28/2022, do 21 de decembro (deberán marcar previamente o recadro [00083] da páxina 1 do modelo 200), e aplican no primeiro período impositivo en que a base impoñible resulte positiva e nos tres seguintes (sempre que manteñan a devandita condición) o tipo de gravame reducido do 15 por cento nos termos establecidos no artigo 29.1 da LIS , consignarán no recadro [00560] o resultado de realizar a seguinte operación:

     [00560] = [00552] x 15%

   • Se o seu importe neto da cifra de negocios do período impositivo inmediato anterior é inferior a 1 millón de euros e segundo o que se dispón no artigo 29.1 da LIS , aplican o tipo de gravame reducido do 23 por cento (deberán marcar previamente o recadro [00088] da páxina 1 do modelo 200), consignarán no recadro [00560] o resultado de realizar a seguinte operación:

     [00560] = [00552] x 23%