Anexo V. Países UE e EEE cos que existe normativa sobre asistencia mutua en materia de intercambio de información tributaria

⁽¹⁾ Estados membros da Unión Europea a partir do 1 de maio de 2004. ^{(volver-Checa) (volver-Chipre) (volver-Eslovaquia) (volver-Eslovenia) (volver-Estonia) (volver-Hungría) (volver-Letonia) (volver-Lituania) (volver-Malta) (volver-Polonia)}

⁽²⁾ Estados membros da Unión Europea a partir do 1 de xaneiro de 2007. ^{(volver-Bulgaria) (volver-Romanía)}

⁽³⁾ Estado membro da Unión Europea a partir do 1 de xullo de 2013. ^(Volver)

⁽⁴⁾ O Espazo Económico Europeo (EEE) está integrado polos membros da Unión Europea máis Islandia, Noruega e Liechtenstein.

Ata o 10 de xullo de 2021, as referencias normativas efectuábanse a outros países integrantes do EEE cos que exista efectivo intercambio de información tributaria.

Na normativa vixente ata o 10 de xullo de 2021 (apartado 4 da Disposición adicional primeira da Lei 36/2006, do 29 de novembro, de medidas para a prevención da fraude fiscal, en redacción anterior á modificación introducida por Lei 11/2021, do 9 de xullo, de medidas de prevención e loita contra a fraude fiscal) incluíase unha definición de efectivo intercambio de información tributaria:

Existe efectivo intercambio de información tributaria con aqueles países ou territorios que non teñan a consideración de paraísos fiscais, aos que resulte de aplicación:

1. Un convenio para evitar a dobre imposición internacional con cláusula de intercambio de información, sempre que no devandito convenio non se estableza expresamente que o nivel de intercambio de información tributaria é insuficiente aos efectos desta disposición.
2. Un acordo de intercambio de información en materia tributaria,
3. O Convenio de Asistencia Administrativa Mutua en Materia Fiscal da  OCDE  e do Consello de Europa emendada polo Protocolo 2010.

Liechtenstein aínda que é integrante do EEE quedaba excluído da listaxe doutros “países “EEE con efectivo intercambio de información tributaria” porque ao ter a consideración de paraíso fiscal quedaba fóra da definición de “efectivo intercambio de información tributaria”.

Con efectos desde o 11 de xullo de 2021 (data de entrada en vigor da Lei 11/2021, do 9 de xullo, de medidas de prevención e loita contra a fraude fiscal) modifícase a redacción da Disposición adicional primeira da Lei 36/2006, do 29 de novembro, de medidas para a prevención da fraude fiscal, que pasa a denominarse “definición de xurisdición non cooperativa” e desaparece  a definición de “efectivo intercambio de información tributaria” que figuraba no apartado 4 da anterior redacción e engádese unha Disposición adicional décima que establece que “as referencias normativas efectuadas a Estados cos que exista un efectivo intercambio de información tributaria ou en materia tributaria, entenderanse efectuadas a Estados cos que exista normativa sobre asistencia mutua en materia de intercambio de información tributaria nos termos previstos na Lei 58/2003, do 17 de decembro,  Xeral Tributaria, que sexa de aplicación.”

Aos efectos da Lei 58/2003 Xeral Tributaria, entenderase por asistencia mutua o conxunto de accións de asistencia, colaboración, cooperación e outras de natureza análoga que o Estado español preste, reciba ou desenvolva coa Unión Europea e outras entidades internacionais ou supranacionais, e con outros Estados en virtude da normativa sobre asistencia mutua entre os Estados membros da Unión Europea ou no marco dos convenios para evitar a dobre imposición ou doutros convenios internacionais.

En relación con Liechtenstein, en materia de intercambio de información tributaria, existe a seguinte normativa en vigor:

• A Decisión (UE) 2015/2453 do Consello, do 8 de decembro de 2015, relativa á celebración, en nome da Unión Europea, do Protocolo modificativo do Acordo entre a Comunidade Europea e o Principado de Liechtenstein relativo ao establecemento de medidas equivalentes ás previstas na Directiva 2003/48/CE do Consello en materia de fiscalidade dos rendementos do aforro en forma de pagamento de intereses.

  En virtude do Acordo, Liechtenstein e os Estados membros da UE intercambiarán automaticamente información sobre as contas financeiras dos seus respectivos residentes a partir de 2017. De igual forma, o artigo 5 do Acordo prevé o intercambio de información previa petición.

• Liechtenstein asinou o 21 de novembro de 2013 o Convenio de Asistencia Administrativa Mutua en Materia Fiscal da OCDE, o 22 de agosto de 2016 depositou o instrumento de ratificación e entrou en vigor o 1 de decembro de 2016. O Convenio prevé os tres tipos de intercambio de información: previa petición, automática e espontánea.

Polo que pode concluírse que con Liechtenstein, a pesar de continuar sendo un paraíso fiscal  (xurisdición non cooperativa) de acordo coa relación de paraísos fiscais prevista no RD  1080/1991, existe normativa sobre asistencia mutua en materia de intercambio de información tributaria nos termos previstos na Lei Xeral Tributaria e cumpre os requisitos para ser considerado, de acordo coa nova terminoloxía (xa non é requisito non ter a consideración de paraíso fiscal) un Estado co que existe normativa sobre asistencia mutua en materia de intercambio de información tributaria. ^(Volver)

⁽⁵⁾ Estado Membro da UE ata o 31 de decembro de 2020. ^(Volver)