Por creación de novas empresas ou ampliación da actividade de empresas de recente creación

Normativa: Art. 13 ter.Un Texto refundido das disposicións legais da Comunidade Autónoma de Galicia en materia de tributos cedidos polo Estado, aprobado por Decreto Lexislativo 1/2011, do 28 de xullo.

Requisitos para a aplicación da dedución

Que entre os bens ou dereitos de contido económico computados para a determinación da base impoñible figure algún ao que se lle aplicaron as deducións na cota íntegra autonómica do IRPF relativo á creación de novas empresas ou ampliación da actividade de empresas de recente creación, ou investimento na adquisición de accións ou participacións sociais en entidades novas ou de recente creación.

Contía e límite máximo da dedución

• O 75 por 100 da parte da cota  que proporcionalmente corresponda aos mencionados bens ou dereitos.

• O límite máximo de dedución será de 4.000 euros  por suxeito pasivo.

Perda do dereito á dedución practicada

O incumprimento dos requisitos previstos nas deducións do IRPF determinará a perda desta dedución.

Incompatibilidade

Esta dedución será incompatible coas deducións "Por investimento en empresas agrarias" e "Pola participación nos fondos propios de entidades que exploten bens inmobles en centros históricos".