14. Moedas virtuais

Normativa: Art. 24 Lei Imposta Patrimonio

A "moeda virtual" (tamén chamada  "criptomoneda") defínese no artigo 1.5 da Lei 10/2010, do 28 de abril, de prevención do branqueo de capitais e do financiamento do terrorismo como "aquela representación dixital de valor non emitida nin garantida por un banco central ou autoridade pública, non necesariamente asociada a unha moeda legalmente establecida e que non posúe estatuto xurídico de moeda ou diñeiro, pero que é aceptada como medio de cambio e pode ser transferida, almacenada ou negociada electronicamente."

Tendo en conta esta definición as moedas virtuais considéranse, a efectos fiscais, como bens inmateriais, computables por unidades ou fraccións de unidades, que non son moeda de curso legal, pero que se utilizan como medio de pagamento ao poder ser intercambiados por outros bens, incluíndo outras moedas virtuais, dereitos ou servizos se se aceptan pola persoa ou entidade que transmite o ben ou dereito ou presta o servizo. Ao ter contido económico as moedas virtuais como o resto dos bens de que sexa titular o suxeito pasivo do Imposto sobre o Patrimonio deben ser declarados.

No Imposto sobre o Patrimonio o suxeito pasivo debe declarar o saldo de  cada moeda virtual diferente de que sexa titular á data da devindicación, é dicir, a 31 de decembro de cada ano, valorandose a prezo de mercado na citada data, é dicir, polo seu valor equivalente en euros á devandita data.