4. Valores representativos da cesión a terceiros de capitais propias

Normativa: Arts. 13 e 14 Lei Imposta Patrimonio

Inclúense como tales, entre outros, os valores a Débeda Pública, tanto do Estado coma das  Comunidades  Autónomas, as Letras do Tesouro, os bonos, cédulas e obrigas de pagamento, públicos e  privados, e os préstamos e créditos concedidos cuxa titularidade corresponda ao contribuínte. En función de que os correspondentes valores estean ou non negociados en mercados organizados,  resultan aplicables os seguintes criterios valorativos:

• Regras de valoración para valores negociados en mercados organizados:

  Deben computarse segundo  o valor de negociación media do cuarto trimestre de cada ano,  calquera que sexa a súa denominación, representación e a natureza dos rendementos obtidos. 

  Con esta finalidade, a relación dos valores negociados en mercados organizados, co seu valor  de negociación media correspondente ao cuarto trimestre de 2022, para os efectos da declaración  do Imposto sobre o Patrimonio do ano 2022 e da declaración informativa anual acerca de  valores, seguros e rendas recóllese na  Orde HFP/188/2023, do 27 de febreiro  (BOE do 28 de febreiro).

• Regras de valoración para valores non negociados en mercados organizados:

  A valoración de cada un destes títulos realizarase  polo seu nominal, incluídas, se é o caso,  as primas de amortización ou reembolso, calquera que sexa a súa denominación, representación  e a natureza dos rendementos obtidos.